Miljøterapeut/miljøarbeidar

Me i Bu- og miljøtenesta sone Leikanger i Stadheimsgarden har ledige stillingar. Me yt tenester til menneske med ulike typar nedsett funksjonsevne. Tenesta omfattar personelg assistanse, opplæring og oppfølging i dagleglivet og fritid. Me jobbar langvakter, som er på 12 timar. Med denne arbeidstidsordninga får tenestemottakar og du som tilsett, moglegheit til å jobbe tett og målretta over tid. Arbeidstidsordninga er lagt opp slik at ein jobbar i t.d. 3-4 dagar og så fri inntil ei veke. Passar godt for deg som likar og jobbe intensivt, og så lengre friperiode.   Med å jobbe med oss får du vere del av eit team som består av godt kvalifiserte kollegar. 

Sogndal kommune sone Leikanger har ledig  to 100% stillingar - vikariat som miljøterapeut/miljøarbeidar i bu- og miljøtenesta i Leikanger. Stillingane er ledig frå januar 2026. Arbeidsgjevar tek  atterhald om at det kan kome fleire faste stillingar/vikariat i utlysingsperioden som og kan bli handsama med same søkjargruppe.  

Ledige stillingar: 

2 x 100% stilling - vikariat i Stadheimsgarden. Langvakter på 12 timar.  

Sentrale ansvarsområde:  

• Målretta miljøarbeid  

• Journalføring  

• Bistand til daglege gjeremål  

• Ivareta tenestemottakar si sjølvstendigheit og utvikling  

• Motivere til aktivitet, trening og sosialisering  

• Bidra til god livskvalitet, gode relasjonar og eit godt arbeidsmiljø  

• Primærkontakt- og koordinatoroppgåver kan bli delegert frå leiar  

• Andre oppgåver ved behov  

Kvalifikasjonar:  

• 3- årig helse-sosial- eller pedagogiske fag frå høgskule og/eller universitetsnivå eller vidaregåande opplæring innan helse- og omsorgsfag 

• Fordel med erfaring frå arbeid med menneske med nedsett funksjonshemming  

• Fordel med kjennskap til Gerica, Microsoft 365 og Visma flyt ressursstyring  

• Beherske norsk skriftleg og munnleg  

• Førarkort klasse B – manuell gir 

Personlege eigenskapar:  

• Omsorgsfull  

• Skape tillit til tenestemottakar, kollegaer og pårørande 

• God lagspelar 

• Trygg på deg sjølv og eiga rolle 

• Løysingsorientert og fleksibel  

 Personlege eigenskapar vil bli vektlagt. 

Spesielle vilkår for stillinga:  

Den som vert tilsett må leggje fram:  

- Tuberkolose/MRSA-skjema, evt. Tuberkulinattest av ny dato  

- Politiattest av ny dato  

Me tilbyr:  

• Ein spanande jobb i eit godt arbeidsmiljø.  

• Gode pensjons- og forsikringsordningar  

• Gode velferdsordningar  

• Løn etter tariff