Ingeniør bru- og kaiforvaltning

Fylkesvegnettet i Møre og Romsdal består av om lag 1000 bruer og berande konstruksjonar i ulike material som skal forvaltast, haldast ved like og fornyast for å oppretthalde transport og kommunikasjon i fylket.

Vi søker etter bruingeniør forvaltning i teamet for forvaltning og prosjektering av konstruksjonar i fylkesvegavdelinga. Teamet består i dag av 5 dedikerte og dyktige medarbeidarar.

Teamet har ansvar for forvaltning av alle berande konstruksjonar på fylkesvegnettet i Møre og Romsdal: bruer, ferjekaier, rasoverbygg osv. I samsvar med handbok N401 Bruforvaltning fylkesveg gjennomfører vi mellom anna inspeksjonar og følger opp desse, vurderer behov for vedlikehald og fornying, sørger for at sikkerheit og funksjonalitet blir tatt i vare og sørger for bruklassifisering. Vi er tre personar i teamet som jobbar med bru- og kaiforvaltning per i dag. Teamet sit også med prosjekteringskompetanse og jobbar tett med plan- og byggherremiljøet i fylkesvegavdelinga. . 

Du blir fast tilsett i plan- og trafikkseksjonen, som er ein del av fylkesvegavdelinga i Møre og Romsdal fylkeskommune. Vi
har kontorstadar i Molde, Ålesund og Kristiansund. Teamet for forvaltning og prosjektering er tilsett ved kontora i Molde og Ålesund per i dag. Du må rekne med ein del bilkøyring i heile fylket og mellom dei ulike kontorstadane.
 
Fylkesvegavdelinga har eit stort, samla kompetansemiljø innan planlegging, bygging, drift, vedlikehald og forvaltning av
fylkesvegane. Plan- og trafikkseksjonen har ansvaret for alle forvaltningsoppgåver langs fylkesvegane i fylket. I dette ligg mellom anna arbeid med forvaltning og prosjektering knytt til bru- og ferjekai, trafikktryggleik, handsaming av saker etter plan og bygningslova, trafikkteknikk, vegplanlegging og utarbeiding av regulerings- og kommunedelplanar, eigedom og grunnspørsmål, tilstandsregistrering, vegdata og geodataarbeid.
  

Arbeidsoppgåver

- forvaltning av berande konstruksjonar, i hovudsak bruer og kaier
- inspeksjonar og tiltaksvurderingar
- bruarkiv og ROS-analyser
- intern rådgiving innan forvaltning, drift, vedlikehald og fornying av berande konstruksjonar
- planlegge vedlikehaldsarbeid

Kvalifikasjonar

- har relevant høgare utdanning innan ingeniørfag (min. 3-årig ingeniørutdanning frå universitet, høgskule eller liknande).
- har god kjennskap til digitale verktøy
- har førarkort klasse B

Personlege eigenskapar

- er god på å kommunisere og skape relasjonar
- arbeider systematisk, er detaljorientert og nøyaktig
- tek initiativ og arbeider sjølvstendig, systematisk og målretta
- er fleksibel og løysingsorientert
- liker variasjon mellom arbeid på kontor og ute i felt
 

Vi tilbyr

- ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
- god tilgang til faglege nettverk og fagleg utvikling
- offentleg pensjonsordning, gruppelivs- og ulykkesforsikring
- løn etter avtale

Kontaktinformasjon

John Hauger, Seksjonsleder , 41298652, john.hauger@mrfylke.no
Ingrid Anne Lervik, Bru og kaiforvaltar, 957 09 307, ingrid.anne.lervik@mrfylke.no

Arbeidsstad

Julsundvegen 9
6412 MOLDE

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5028730848
Stillingsprosent: 100%
Fast
Søknadsfrist: 03.11.2025