Ambulansearbeidar i standby-crew

• 1 x 100 % fast stilling som ambulansearbeidar standby-crew Nordfjord.
• Stillinga kan delast i 2 x 50%

Ambulanseseksjon 6 ligg organisert i prehospital avdeling, som omfattar ambulanseseksjonane og AMK Førde. Avdeling høyrer til kirurgisk klinikk og har i dag:

• 19 døgnambulansar
• 8 dagambulansar
• 2 moderne ambulansebåtar som dekkjer kystlinja vår frå stasjon i Solund og Florø.

Tenesta har omlag 230 tilsette fordelt på stasjonane i Helse Førde sitt nedslagsfelt.

Seksjonen driftar ei ordning med overtalsbemanning / standby-crew, med lokalisasjon både i Nordfjord, Sunnfjord og Sogn. Tilsette skal her gå i definert arbeidsplan med oppmøte og vaktslutt på Nordfjordeid. Funksjonen standby-crew skal dekkje opp ved uføresett fråvær primært for stasjonane i høvesvis Nordfjord, Sunnfjord eller Sogn, men eventuelt også i andre seksjonar ved behov. Vaktlengda er som ordinær døgnambulanse med tilstedevakt /vakt på vaktrom, ev vakt på dagbil med omlag 10 timar aktiv tid.

Formålet med ordninga å sikre større grad av føreseieleg drift. Ordninga er primært eit rekrutterings- og stabiliseringstiltak for nyutdanna som kan få fast tilsettingsforhold i avdelinga, fram til ein har opparbeidd seg tenestetid til å søkje seg over i anna stilling ved ein definert stasjon.

Søkjar må vere budd på organisatoriske endringar som følgje av nye og endra oppgåver innan fagfeltet.

Vi har eiga særavtale for kompetansetillegg for ambulansearbeidarar.

Arbeidsoppgåver

• Beredskap for, og utføring av ambulanseoppdrag
• Beredskapsretta arbeid, internt utviklingsarbeid og internundervisning
• Delta på undervisning og sertifisering / utsjekk i tråd med tenesta sin kompetanseplan
• Eigentrening og teamtrening
• Kontroll og vedlikehald av beredskapsutstyr og ambulansar
• Reinhald og klargjering av utstyr, uniformar og stasjon
• Interne arbeidsoppgåver på stasjonen og elles i avdelinga
• Utføre sitt arbeid i tråd med gjeldande lover, forskrifter, prosedyrer og internt reglement som gjeld for føretaket

Kvalifikasjonar

• Autorisasjon som ambulansearbeidar
• Førarkort kl. C1
• Utrykkingskompetanse K160 og må gjennomføre vedlikehaldstrening for utrykningsførar
• Tilfredstille medisinske krav til førarkort klasse D
• Delta og bestå trinn 2 kompetanse i Helse Førde etter tenesta sin kompetanseplan
• Grunnleggande IKT kunnskap
• Stor arbeidskapasitet
• God fysisk og psykisk helse. Søkjar må bestå fysisk test før tilsetting. Testen kan bli gjennomført i forkant eller i samband med intervju. Nærare informasjon om krava finn du på Helse Førde og ambulansetenesta si internettside.
• Geografisk kjennskap til lokalområdet er fordelaktig
• God norsk munnleg og skriftleg framstillingsevne
• Søkjarar utanfor Skandinavia må dokumentere kunnskap i norsk skriftleg og munnleg
• Politiattest krevst før tilsetting i stillinga etter lov om Helsepersonell § 20a.

Personlege eigenskapar

• Imøtekomande, høfleg, positiv og serviceinnstilt
• Fleksibilitet med omsyn til intensjonen i ordninga og vakter på ulike stasjonar i området
• Pasientorientert med respekt for den einskilde pasient
• Gode samarbeids- og kommunikasjonsevner
• Evne til å jobbe sjølvstendig, men og vere ein god teamarbeidar/teamleiar for m.a. kunne ta leiing og jobbe effektivt i akuttmedisinske situasjonar
• Like å tidvis ha det hektisk og jobbe med høg aktivitet
• Pliktoppfyllande
• Bidra til eit godt arbeidsmiljø

Vi tilbyr

• Lønn i samsvar med gjeldande overeinskomst
• Gode pensjons- og forsikringsordningar
• Ein arbeidsplass som er ei inkluderande arbeidslivsbedrift (IA-bedrift)
• Triveleg arbeidsmiljø med høve til å påverke eigen arbeidsplass
• Fagleg og personleg utvikling
• Sterkt tverrfagleg samarbeid
• Kompetanseutvikling i form av fagstige

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Frank Haukereid Reksnes, Seksjonsleiar, (+47) 412 86 285

Arbeidssted

Sjukehusvegen 14
6770 Nordfjordeid

Nøkkelinformasjon:

Arbeidsgiver: Helse Førde

Referansenr.: 5020496589
Stillingsprosent: 100%
Fast
Søknadsfrist: 20.10.2025