Vil du vere ein nøkkelperson i helse- og omsorgstenesta i Sogndal?

Me søkjer vernepleiarar og sjukepleiarar

Sogndal kommune er på veg til å bli ein moderne og lærande organisasjon der me jobbar for å bygge ein organisasjon som set menneske og samfunnsoppdraget i sentrum. 

Bemanningssentralen er ei fleksibel eining som tilset personell for å sikre stabil og kompetent bemanning i helse- og omsorgstenestene. Me dekkjer både korte og lengre bemanningsbehov, og bidreg med kompetanse der tenestene treng støtte. Som tilsett i bemanningssentralen får du ei variert og utviklande arbeidserfaring og blir ein viktig ressurs i å sikre gode pasientforløp. 

I bemanningssentralen får du ein kombinasjon av tryggleik og fleksibilitet som er uvanleg i faste stillingar. Du får ein forutsigbar arbeidsplan, men også høve til å prøve ulike einingar, jobbe variert og utvikle deg breitt fagleg - utan å bytte arbeidsgivar. Dette gir stor læringsverdi, fleire karrieremoglegheiter og kvardagar som ikkje blir monotone. 

Samtidig får du kvardagen din midt i Sogndal, ein plass med fjord, fjell, gode bustadområde, kultur- og idrettstilbod og eit inkluderande miljø med låg terskel for samarbeid. Her er det lett å kombinere jobb, fritid og familieliv.

Dei ledige stillingane er for tida tilknytte heimetenesta i Sogndal

• 2 x 100 % vernepleiar/sjukepleiar
  - 1 x 3. kvar helg, vanlege vakter
  - 1 x 4. kvar helg, langvakter 14,5 t

3. års sjuke/vernepleiarstudenter er òg velkomne til å søke.

Arbeidstid: 

• Turnusordning inkludert langvakter og fleksibilitet for tilpassa arbeidstid etter behov. 
• Årsturnus 

Arbeidsoppgåver: 

• Utføre nødvendig helsehjelp til brukarar med varierte behov og samansette diagnosar. 
• Sikre god og korrekt dokumentasjon (vi nyttar Gerica og LMP). 
• Rettleiing og informasjon til brukarar, pårørande, studentar og kollegaer. 
• Nyttiggjere velferdsteknologi for å styrke kvalitet og effektivitet. 
• Samarbeid med tverrfaglege team for å sikre heilskapleg omsorg. 

Kvalifikasjonar: 

• Offentleg godkjent sjukepleiar/vernepleiar.
• Beherskar norsk skriftleg og munnleg. 
• Førarkort klasse B. 
• Godkjent politiattest ved tilsetjing. 

Personlege eigenskapar: 

• Samarbeidsvillig, ansvarsbevisst og sjølvstendig. 
• Evne til å handtere ein hektisk og uforutsigbar kvardag. 
• Engasjement for fagleg utvikling og kunnskapsdeling. 
• Omstillingsdyktig med eit positivt bidrag til arbeidsmiljøet. 

Me tilbyr: 

• Ein arbeidsplass i utvikling der du kan bidra til ei ny retning for kommunen. 
• Fagleg og personleg utvikling i eit støttande miljø. 
• Gode pensjons- og forsikringsordningar, velferdstilbod og løn etter tariff. 
• Ei arbeidserfaring i eit miljø som set mennesket og samfunnet i fokus, i tråd med kommunens mål om å vere ei lærande og moderne eining. 

Me ønskjer eit arbeidsmiljø prega av mangfald, og at dei tilsette speglar folkesetnaden elles. Me oppmodar alle som er kvalifiserte til å søkje, uavhengig av alder, funksjonsevne, kjønn eller bakgrunn. Me legg til rette for gode arbeidsforhold dersom du har behov for det. Administrasjonsmålet i kommunen er nynorsk. Alle tilsetjingar skjer med seks månaders prøvetid. I følgje offentleglova § 25 kan opplysningar om søkjarar gjerast offentlege sjølv om du har bede om unntak. Du blir varsla dersom det skjer. Søknadar må sendast via rekrutteringssystemet vårt EasyCruit innan fristen.