Er du systematisk, praktisk og oppteken av beredskap? Vi søkjer materiell- og logistikkmedarbeidar!
Direktoratet for samfunnssikkerhet og beredskap
4392 Sandnes, Hybridkontor
Om jobben
Stillingstittel
Materiell- og logistikkmedarbeidar
Type ansettelse
Fast, heltid 100%
Arbeidstid
Dagtid, ukedager
Arbeidsspråk
Norsk eller engelsk
Antall stillinger
1
Søk på jobben
Søk senest tirsdag 14. oktober
Rogaland sivilforsvarsdistrikt ser etter ein strukturert og løysingsorientert medarbeidar som skal ha ansvar for materiell- og logistikkområdet. Hovudoppgåvene vil vere å sikre at distriktet sitt materiell og køyretøy er klare til operativ bruk ved innsats og øvingar. Sivilforsvaret er ein spennande etat i utvikling og denne stillinga inneber gode moglegheiter for eigenutvikling og for å vere med og forme innhaldet. Du vil samarbeide tett med andre fagmiljø og bidra aktivt til å vidareutvikle vår evne til å verne sivilbefolkninga i fred, krise og krig.
Du skal:
ha ansvar for lager- og utstyrstellingar
følgje opp vedlikehald og service for køyretøy, materiell og utstyr
sørgje for utrulling av nytt, og kassasjon av utgått materiell
følgje opp status ved lagerlokasjonar i distriktet
sikre at alle prosessar skjer i tråd med gjeldande rutinar, regelverk og HMS-krav
bidra til forbetring og digitalisering av logistikk- og lagerprosessar
støtte i planlegging og gjennomføring av øvingar
bidra inn i andre fagområde og utviklingsarbeid ved distriktet
Kvalifikasjonar
Du må ha:
relevant eittårsstudium frå høgskule, universitet eller fagskule, og/ eller fagbrev innan logistikk, mekanisk, elektro eller tilsvarande. Relevant erfaring kan kompensere for kravet til utdanning. Utanlandsk utdanning må vere godkjent av Direktoratet for høgare utdanning og kompetanse
relevant arbeidserfaring innanfor logistikk, vedlikehald og/eller beredskap
erfaring med digitale verktøy
god munnleg og skriftleg framstillingsevne på norsk
god munnleg framstillingsevne på engelsk
førarkort klasse B
følgjande personlege eigenskapar:
tillitsskapande – du opptrer profesjonelt, skaper tryggleik i samhandling med andre og bidreg til eit godt samarbeidsklima
lagspelar – du samarbeider og kommuniserer godt med andre, deler kunnskap og bidreg aktivt til at vi saman når måla våre
strukturert – du arbeider systematisk, følgjer opp prioriteringar innan gitte tidsfristar og trivst med å styre arbeidskvardagen din sjølvstendig
løysingsorientert – du er engasjert, ser moglegheiter og produserer idear og løysingar
gjennomføringsevne – du utfører oppgåver etter plan og med kvalitet, viser engasjement og uthald
Vi ønskjer at du har:
erfaring frå rednings- og beredskapsarbeid, til dømes politi, brann, helse, forsvar, Sivilforsvaret, Frivillige organisasjonars redningsfaglege forum (FORF) eller andre beredskapsrelaterte organisasjonar
erfaring med instruksjon og opplæring
førarkort klasse BE/D1E/C1E/C
relevant høgare utdanning innan logistikk, tekniske fag, ingeniørfag, samfunnstryggleik eller beredskap
Vilkår
Fast stilling som rådgjevar (stillingskode 1434) med årsløn frå kr 590 000 til 630 000.
Tryggleiksklarering
Den som får tilbod om stillinga må kunne tryggleiksklarerast for HEMMELEG før tiltreding.
Om Sivilforsvaret og stillinga
Sivilforsvaret er ein uniformert etat underlagt Direktoratet for samfunnstryggleik og beredskap (DSB) og vert leia av Sjef Sivilforsvaret. Sivilforsvaret består i fredstid av 8000 tenestepliktige mannskap som er fordelt på 20 sivilforsvarsdistrikt, som kvar leiast av ein distriktssjef. Sentralt nivå er organisert gjennom Sivilforsvarsavdelinga som består av to seksjonar og eit økonomi- og styringssekretariat leia av assisterande sjef Sivilforsvaret. Sivilforsvarets hovudoppdrag er å beskytte befolkninga i krise og krig. Sivilforsvaret har mynde og ansvar for ei rekkje sivile beskyttelsestiltak. I fredstid skal Sivilforsvaret sørge for at det blir oppretthaldt god beredskap i heile landet og vera forsterkningsressurs når naudetatane og andre styremakter treng ekstra ressursar. Sivilforsvaret er organisert med lokale, regionale og nasjonale innsatsstyrker beståande av tenestepliktige mannskap og befal. Eit eige kompetansesenter har ansvaret for utdanning og opplæring. Det er totalt ca. 230 tilsette i Sivilforsvaret, fordelt på distrikta og Sivilforsvarsavdelinga. Den viktigaste ressursen er dei tenestepliktige som blir kalla ut til innsats i ulike oppdrag frå nord til sør. Sivilforsvaret bidreg også internasjonalt med ulike kapasitetar.
Rogaland sivilforsvarsdistrikt har om lag 500 tenestepliktige fordelt på 19 lokale innsatsavdelingar, ei Mobil Renseeining og 6 Radiac-målepatruljar som har ansvar for å detektere radiologisk forureining. Avdelingane er plasserte over heile fylket, med elleve lagerlokasjonar frå Moi i sør til Sauda i nord. Oppmøtestad er ved distriktskontoret i Vagleleiren/SASIRO like utanfor Ganddal i Sandnes. Distriktet dekkjer alle kommunane i Rogaland, og har omfattande samarbeid med relevante samvirkeaktørar som naudetatar, kommunar, statsforvaltaren, Forsvaret, frivillige organisasjonar og andre relevante beredskapsaktørar.
Stillinga som materiell- og logistikkmedarbeidar er ein sentral del av staben ved distriktet. For å kunne bidra i Sivilforsvaret sine oppgåver, er det viktig at du er fysisk og psykisk skikka til å arbeide i ein beredskapsorganisasjon, og kan delta i øvingar og innsatsar. Noko reiseverksemd må påreknast i periodar. Ved beredskapshendingar og ved gjennomføring av øvingar må utvida arbeidstid påreknast. Du vil òg inngå som ein del av beredskapsvaktordninga ved distriktet. Det vil bli stilt krav om gjennomføring av tre vekers grunnopplæring ved Sivilforsvaret sitt kompetansesenter i løpet av dei første seks månadene etter oppstart.
Om DSB
Direktoratet for samfunnstryggleik og beredskap (DSB) skal ha oversikt over risiko og sårbarheit i samfunnet. Vi er pådrivar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 700 tilsette. DSB er underlagt Justis- og beredskapsdepartementet.
Om å jobbe i DSB
Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsprdningar. For å arbeida i DSB må du vera tryggleiksmessig skikka og medverke til ein god kultur for tryggleik. Les meir om tryggleik i DSB på www.dsb.no/om-dsb/jobb-i-dsb/rekrutteringsprosessen/sikkerhet-i-dsb
Hos oss får du
- medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no/Medlemskap-i-SPK/
- fleksibel arbeidstid
- bedriftshelseteneste
- høve til å trene i arbeidstida
- tilrettelagt for mobilt kontor når det er føremålstenleg
I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise
Offentleg søkjarliste
Det vil bli utarbeidd offentleg søkjarliste ved søknadsfristens utløp, jf. Offentleglova §25. Du har høve til å be om unntak frå offentleg innsyn. Dersom du ikkje får innvilga dette, vil du bli varsla om det før søkjarlistene blir utarbeidde. Sjølv om du har fått innvilga unntak frå offentlegheit, vil du framkomme på ei utvida søkjarliste. Denne er berre tilgjengeleg på førespurnad frå andre søkjarar til stillinga.
Praktisk informasjon om søknadsprosessen
Det er viktig at du registrerer all relevant utdanning og erfaring i profilen du lagar i rekrutteringssystemet. Dette sikrar at vi har opplysningane vi treng. I tillegg er det naudsynt at du lastar opp både søknadsbrevet og CV-en som vedlegg i PDF-format. For alle stillingar som ikkje krev tryggleiksklarering, vil DSB gjennomføre bakgrunnssjekk. Interne søkjarar må sende inn søknaden i DFØ HR. Les meir om rekrutteringsprosessen i DSB på www.dsb.no/om-dsb/jobb-i-dsb/rekrutteringsprosessen
Ikkje nøl med å ta kontakt dersom du har spørsmål! Kontaktperson er
regionsjef Rogaland sivilforsvarsdistrikt Mariann Svanes:| e-post mariann.svanes@dsb.no| telefon 51 68 20 01.
Du finn meir informasjon om å jobbe i DSB på www.dsb.no/om-dsb/jobb-i-dsb og ein oppdatert oversikt over utlyste stillingar finn du alltid på jobb.dsb.no/search
Velkomen som søkjar hos oss!
Kontaktperson for stillingen
Om bedriften
Sektor
Offentlig
Del annonsen
Annonsedata
Rapporter annonse- Stillingsnummer
6073de3e-ef05-4e2f-992e-92a78195e407
- Hentet fra
sap
- Referanse
1323 1810VETR Rogaland sfd