Materiellrådgjevar - Sivile beskyttelsestiltak og fellesmateriell

Eining for logistikk og materiell ved Sivilforsvarets kompetansesenter har ledig stilling som materiellrådgjevar innan fagområda sivile beskyttelsestiltak og fellesmateriell. Vi ser etter ein person med rett kombinasjon av utdanning, erfaring og personlege eigenskapar, som kan bidra positivt både fagleg og sosialt i eininga. Stillinga har for tida ansvar for fagområda varsling, samband og kommunikasjon. 
 
Du skal:

• følgje opp Sivilforsvaret si varslingsteneste og rettleie varslingsansvarlege i distrikta
• ha oversikt over materiell i eigen portefølje, berekne behov for etterforsyning, gjere avrop på rammeavtalar og gjennomføre kvalitetskontroll 
• budsjettere og førebu innkjøp av materiell, inkludert kravspesifikasjonar, testing og oppfølging av leverandørar og avtalar
• rettleie distrikta i bruk og korrekt forvaltning av materiell
• bidra i drift og utvikling av digitale system for materiellforvaltning, og i arbeid med styrande dokument innan logistikk og materiell
• støtte eininga si oppgåveportefølje, andre materiellrådgjevarar og lagerdrift, inkludert intern kompetanseheving ved behov
• bidra til førebuing og gjennomføre varslingsprøvar to gonger i året

 
Kvalifikasjonar
 
Du må ha:

• bachelorgrad eller tilsvarande. Relevant fagbrev/ teknisk fagskule saman med relevant erfaring kan kompensere for kravet. Utdanning frå utlandet må vere godkjend av Direktoratet for høgare utdanning og kompetanse
• særleg god skriftleg og munnleg framstillingsevne på norsk
• erfaring med å skrive strukturerte notat og rapportar
• god kompetanse i bruk av digitale saksbehandlingsverktøy (t.d. Office)
• forståing for tekniske innretningar (t.d. trykkluft, elektronikk, mekanikk)
• følgande personlege eigenskapar 
  • strukturert - du jobbar systematisk, følgjer opp og leverer på fristar
  • analytisk - du ser fagområda i ein større samanheng og tenkjer langsiktig
  • ansvarsbevisst - du følgjer reglar og rutinar, og bidreg til utvikling
  • gjennomføringsevne - du prioriterer og sikrar framdrift
  • lagspelar - du samarbeider godt og deler kunnskap

 

 
Vi ønskjer at du har:

• erfaring frå offentleg forvaltning og saksbehandling
• erfaring med offentlege innkjøpsprosessar
• erfaring frå logistikk eller lagerdrift
• kjennskap til statleg økonomistyring
• erfaring med digitale materiellstyringssystem
• erfaring frå beredskapsverksemd
• førarkort klasse B

 
 
Vilkår 
Fast stilling som rådgjevar (stillingskode 1434) med årsløn frå kr 630 000 - 690 000. 
 
Tryggleiksklarering 
Den som får tilbod om stillinga må kunne tryggleiksklarerast for HEMMELEG før tiltreding. 
 
 
Om Sivilforsvaret og stillinga   
Sivilforsvaret er ein uniformert etat underlagt Direktoratet for samfunnstryggleik og beredskap (DSB) og vert leia av Sjef Sivilforsvaret. Sivilforsvaret består i fredstid av 8000 tenestepliktige mannskap som er fordelt på 20 sivilforsvarsdistrikt, som kvar leiast av ein distriktssjef. Sentralt nivå er organisert gjennom Sivilforsvarsavdelinga som består av to seksjonar og eit økonomi- og styringssekretariat leia av assisterande sjef Sivilforsvaret.  
 
Sivilforsvarets hovudoppdrag er å beskytte befolkninga i krise og krig. Sivilforsvaret har mynde og ansvar for ei rekkje sivile beskyttelsestiltak. I fredstid skal Sivilforsvaret sørge for at det blir oppretthaldt god beredskap i heile landet og vera forsterkningsressurs når naudetatane og andre styremakter treng ekstra ressursar.   
 
Sivilforsvaret er organisert med lokale, regionale og nasjonale innsatsstyrker beståande av tenestepliktige mannskap og befal. Eit eige kompetansesenter har ansvaret for utdanning og opplæring. Det er totalt ca. 230 tilsette i Sivilforsvaret, fordelt på distrikta og Sivilforsvarsavdelinga. Den viktigaste ressursen er dei tenestepliktige som blir kalla ut til innsats i ulike oppdrag frå nord til sør. Sivilforsvaret bidreg også internasjonalt med ulike kapasitetar.  
 
Sivilforsvarets kompetansesenter (SFK) har fleire nasjonale oppgåver innan utdanning, tenestepliktforvaltning, materiell og logistikk. Alle dei 8000 tenestepliktige i Sivilforsvaret får grunnopplæring og vidaregåande opplæring ved SFK. Kompetansesenteret er også det nasjonale fagmiljøet for materiell og logistikk, og driftar Sivilforsvaret sitt sentrallager for nasjonalt materiell.
 
SFK er organisert i tre einingar, kvar leia av ein einingsleiar. Stillinga som materiellrådgjevar høyrer til eining for logistikk og materiell (LOM). Dei andre einingane har ansvar for kompetanse og tenestepliktforvaltning, samt administrasjon og leirdrift.
Kontorstad er Starum, Innlandet. Det er forventa at tilsette ved eining for logistikk og materiell som hovudregel er fysisk til stades på kontoret, utanom tenestereiser. 
Sivilforsvaret er ein uniformert beredskapsetat. I særskilde tilfelle kan det bli nødvendig å setje beredskapsvakt, med krav om oppmøte på Starum innan om lag éin time.
 
Materiellrådgjevar har fagansvar for eitt eller fleire fagområde, og er Sivilforsvaret sin sentrale fagperson for den tildelte materiellporteføljen. Vi ser etter deg som er interessert i korleis behov, gode innkjøp og beredskap heng saman. Du må trivast med teknisk saksbehandling, materiellforvaltning, innkjøp og digitale verktøy, og vere trygg i samarbeid med både interne og eksterne partnarar. Du må vere sjølvstendig og strukturert, og kunne handtere eit breitt spekter av oppgåver og fleire prosessar samstundes, samtidig som du er ein dyktig saksbehandlar.
Ein materiellrådgjevar ved SFK-LOM må kunne tilpasse seg eininga sine behov, og vere villig til å byte fagområde ved behov. Personlege eigenskapar vil bli vektlagde i tilsetjinga på lik linje med fagkompetanse.
 
Det må påreknast noko reiseverksemd i samband med seminar og besøk til sivilforsvarsdistrikta, om lag 15 reisedøgn i året.
 
Les meir om Sivilforsvaret og dei ulike distrikta på www.sivilforsvaret.no
 
 
 
Om DSB
Direktoratet for samfunnstryggleik og beredskap (DSB) skal ha oversikt over risiko og sårbarheit i samfunnet. Vi er pådrivar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 700 tilsette. DSB er underlagt Justis- og beredskapsdepartementet.
 
 
Om å jobbe i DSB
Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsprdningar. For å arbeida i DSB må du vera tryggleiksmessig skikka og medverke til ein god kultur for tryggleik. Les meir om tryggleik i DSB på www.dsb.no/om-dsb/jobb-i-dsb/rekrutteringsprosessen/sikkerhet-i-dsb
 
 
Hos oss får du

• medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no/Medlemskap-i-SPK/
• fleksibel arbeidstid
• bedriftshelseteneste
• høve til å trene i arbeidstida
• tilrettelagt for mobilt kontor når det er føremålstenleg

  
 
I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise
 
 
Offentleg søkjarliste
Det vil bli utarbeidd offentleg søkjarliste ved søknadsfristens utløp, jf. Offentleglova §25. Du har høve til å be om unntak frå offentleg innsyn. Dersom du ikkje får innvilga dette, vil du bli varsla om det før søkjarlistene blir utarbeidde. Sjølv om du har fått innvilga unntak frå offentlegheit, vil du framkomme på ei utvida søkjarliste. Denne er berre tilgjengeleg på førespurnad frå andre søkjarar til stillinga.
 
 
Praktisk informasjon om søknadsprosessen
Det er viktig at du registrerer all relevant utdanning og erfaring i profilen du lagar i rekrutteringssystemet. Dette sikrar at vi har opplysningane vi treng. I tillegg er det naudsynt at du lastar opp både søknadsbrevet og CV-en som vedlegg i PDF-format. For alle stillingar som ikkje krev tryggleiksklarering, vil DSB gjennomføre bakgrunnssjekk. Interne søkjarar må sende inn søknaden i DFØ HR. Les meir om rekrutteringsprosessen i DSB på www.dsb.no/om-dsb/jobb-i-dsb/rekrutteringsprosessen
 
 
Ikkje nøl med å ta kontakt dersom du har spørsmål! Kontaktperson er 
einingsleiar Ingunn Iren Mæhlum|: e-post ingunn.mehlum@dsb.no,| telefon 61 14 10 18
 
Du finn meir informasjon om å jobbe i DSB på www.dsb.no/om-dsb/jobb-i-dsb og ein oppdatert oversikt over utlyste stillingar finn du alltid på jobb.dsb.no/search 
 
Velkomen som søkjar hos oss!