Sikkerheitsbetjent

Vil du bidra til tryggleik og sikkerheit ved Hordaland tingrett?

Hordaland tingrett har ledig stilling som sikkerheitsbetjent frå 1.12.26 eller etter avtale. Vi ser etter deg som er serviceinnstilt, observant og trygg i møte med menneske. Som sikkerheitsbetjent vil du vere ein viktig del av tryggleiksarbeidet ved tingretten og bidra til at rettsmøte og dagleg drift kan gjennomførast på ein sikker og profesjonell måte.
Stillinga er underlagt sikkerheitssjefen og inngår som ein del av tingretten sitt arbeid med tryggleik, beredskap og sikring av tilsette, publikum og brukarar av domstolen.

Arbeidsoppgaver

Som sikkerheitsbetjent vil du mellom anna:

• Utføre tryggleikskontroll av publikum, aktørar og besøkjande
• Betjene og overvake tekniske tryggleikssystem
• Følgje opp rutinar knytte til adgangskontroll og sikring av bygget
• Bidra til trygg og sikker gjennomføring av rettsmøte
• Handtere uønskte hendingar i samsvar med gjeldande rutinar og instruksar
• Samarbeide med politi, vaktselskap og andre relevante aktørar ved behov
• Delta i øvingar og opplæring innan tryggleik og beredskap
• Utføre andre oppgåver innan tryggleiksområdet etter nærare avtale med sikkerheitssjefen

Kvalifikasjoner

Du må ha:

• Fullført vidaregåande skule
• Relevant erfaring frå tryggleiksarbeid, vaktteneste, politi, forsvar eller liknande
• God teknisk forståing og evne til å ta i bruk tryggleikssystem
• Gode digitale ferdigheiter
• God munnleg og skriftleg framstillingsevne
• Du må også oppfylle krav til vekter og kunne levere utvida politiattest

Det er ønskjeleg med:

• Anna relevant tryggleiksutdanning
• Erfaring frå publikumshandtering og konfliktdempande arbeid
• Kjennskap til beredskaps- og tryggleiksarbeid

Personlige egenskaper

Vi søkjer deg som:

• Er ansvarsmedviten og påliteleg
• Har høg integritet og god rolleforståing
• Er roleg og profesjonell, også i krevjande situasjonar
• Har gode samarbeidsevner
• Er serviceorientert og møter menneske med respekt
• Arbeider strukturert og sjølvstendig
• Personlege eigenskapar vil bli lagde stor vekt ved tilsetjinga.

Vi tilbyr

I Hordaland tingrett får du ein jobb med tydeleg samfunnsverdi -- og ei rekkje gode vilkår

• Ei meiningsfull stilling i ein samfunnsviktig organisasjon med et viktig samfunnsoppdrag
• Varierte og interessante arbeidsoppgåver
• Eit godt arbeidsmiljø med dyktige kollegaer
• Moglegheit for fagleg utvikling innan tryggleik og beredskap
• Fleksibel arbeidstidsordning der dette er mogleg
• Medlemskap i Statens pensjonskasse
• Lønn som førstekonsulent/rådgjevar etter Hovudtariffavtalen, avhengig av kompetanse