Rådgjevar / Seniorrådgjevar internasjonalt kunnskapssamarbeid

Høgskulen på Vestlandet, Avdeling for forskning, internasjonalisering og innovasjon, har ledig en fast 100% stilling som Rådgjevar / Seniorrådgjevar internasjonalt kunnskapssamarbeid

Om stillinga:

Vi søker ein rådgjevar/ seniorrådgjevar med inngåande  erfaring med internasjonalt kunnskapssamarbeid og prosjektutvikling, særleg i land utanfor Europa. Rådgjevaren/ seniorrådgjevaren vil få ei sentral rolle i å følgje opp strategiske faglege satsingar og utvikle djupe internasjonale partnarskap ved HVL.

Hovudoppgåvene vil vere støtte og rådgjeving til fagmiljø for å identifisere og bygge opp internasjonale samarbeid og institusjonelle partnarskap. Oppgåvene er tett knytt til måla i «Plattform og handlingsplan for internasjonalt kunnskapssamarbeid 2025-2030» om å bygge opp ein portefølje av internasjonale partnarskap, prosjekt og nettverk rundt faglege satsingsområde.\

Rådgjevaren/ seniorrådgjevaren vert forventa å bidra til utviklinga av HVL sitt rådgjevarteam innan internasjonalisering, forsking og innovasjon.

Arbeidsstad er ved ein av høgskulen sine fem campus.

Ansvars- og arbeidsoppgåver:

Hovudoppgåvene for rådgjevaren/ seniorrådgjevaren er administrativt arbeid med særskilt fokus på å:

• Bidra til å utvikle HVL si portefølje av internasjonale partnarskap, prosjekt og nettverk rundt faglege satsingsområde
• Bidra til å auke HVL si eksterne finansiering innan internasjonalt kunnskapssamarbeid
• Bidra til å styrkje koplinga mellom internasjonalt kunnskapssamarbeid og regionalt arbeids- og næringslivet
• Landansvar og/ eller regionansvar
• Vere oppdatert på utviklinga av program knytt til internasjonalt kunnskapssamarbeid, utlysingar og tema
• Gje strategiske råd til leiarar, vitskapleg tilsette og administrativt tilsette i saker knytt til internasjonalt kunnskapssamarbeid
• Ta initiativ til utgreiing og analyse innan og saker til råd og utval innan ansvarsområdet
• Bidra til utvikling av strategiar og handlingsplanar innan ansvarsområdet
• Delta i utvikling av administrative prosedyrer for internasjonalisering ved HVL (inkludert digitalisering av prosedyrer) og prosjektleiing
•  Det kan bli lagt andre oppgåver til stillinga etter behov

Kvalifikasjonskrav:

• Høgare utdanning på minimum masternivå eller tilsvarande. 
• Relevant erfaring frå internasjonalt kunnskapssamarbeid
• God kjennskap til universitets- og høgskulesektoren

God munnleg og skriftleg framstillingsevne på norsk og engelsk

• Erfaring frå samarbeid med, og kunnskap om, land eller regionar utanfor Europa
• Erfaring med verkemiddelapparatet for internasjonalt kunnskapssamarbeid, særleg knytt til land utanfor Europa.
• Erfaring med internasjonalt nettverksarbeid og institusjonelle partnarskap
• Erfaring med kopling mellom internasjonalt kunnskapssamarbeid og regionalt arbeids- og næringsliv
• Erfaring med saksutgreiing og strategiarbeid

• Gode samarbeids- og kommunikasjonsevne
• Evne til å ta initiativ og vere ein pådrivar
• Evne til å arbeide strukturert og systematisk
• Evne til å arbeide sjølvstendig og løysingsorientert
• Omgjengeleg og med evne til å trivast i eit travelt miljø

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som rådgiver/seniorrådgiver er løna etter Statens lønsregulativ, i stillingskode 1434 Rådgiver / 1364 Seniorrådgiver

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Inkludere, utfordre og samhandle