Prest under utdanning i Sunnfjord prosti, ungdomsprest i og omkring Førde

Vil du vere med å vidareutvikle satsinga på ungdom og unge vaksne i kyrkjelydane våre?

Vi har ein ungdomsprest til presteteneste retta inn mot unge og unge vaksne. Denne vert lyst ut som ein rekrutteringsstilling innanfor ordninga Prest under utdanning. I stillinga er det sett av tid til studium, normalt 40 %. For å kunne gå inn i stillinga kan du mangla maksimalt 120 studiepoeng for å oppfylle kvalifikasjonskrava for kyrkjelydsprestar, og det blir gitt inntil 4 år for å fullføra studia. Ved tilsetting vil det bli utarbeida ein individuell plan for studieprogresjon og arbeidsmengd. Undervegs i studiet føljer du programmet for Vegen til vigsling (VTV). Etter fullført studieløp og VTV er du kvalifisert for å kunne vigslast til presteteneste i Den norske kyrkja, og du vil gå over i fast stilling som ungdomsprest. Det vil normalt vera to års bindingstid etter studieperioden. Les meir om ordninga: Prest under utdanning

Sunnfjord KF er allereie i gang med ei nysatsing gjennom eit diakonalt ungdomsprosjekt, som heiter “KRAFT” med eigen prosjektleiar. Her skal unge få utfalde seg i gode fellesskap, bli bevisst sin unike verdi og finne håp for framtida i lys av den kristne trua. Prosjektet går til våren 2027, ungdomspresten vil samarbeide tett med “KRAFT” og vere ein aktiv bidragsytar i dette arbeidet. Saman med dei unge vil du få vere med å forme dette vidare. Bispedømmet ønsker også å satse på unge vaksne, og den nytilsette vil bli del av eit nettverk av tilsette som arbeider innanfor dette området.

I Førde har Høgskulen på Vestlandet ei avdeling med m.a. sjukepleieutdanning. I tillegg er det ein stor vidaregåande skule med nær 1000 elevar og i ferd med å etablere ein stor felles ungdomsskule til om lag 500 ungdommar vil bli samla.

Som ungdomsprest blir du ein del av det tverrfaglege teamet i Sunnfjord kyrkjelege fellesråd. Her får du del i eit mangfaldig og aktivt kyrkjelydsarbeid som når ut til alle aldersgrupper. Vi har gode kontorforhold og lokale for kyrkjelydsarbeid i sokna våre.  

 Vi ber om at søknad med CV, vitnemål og referansar vert sendt elektronisk via Webcruiter. 

Arbeidsoppgåver

• Gudstenester for ungdom og unge vaksne
• Leiartrening
• Konfirmantundervisning
• Deltaking i Kraft sine tiltak
• Leirarbeid
• Planlegge og gjennomføre konfirmantfestival i lag med aktuelle samarbeidspartar
• Bibelundervisning eller samtalegruppe for unge og unge vaksne
• Kyrkjelege handlingar og gudstenester etter oppsett plan.
• Stillinga inngår i Den norske kyrkje si ordning om beredskap

Bispedømmerådet vil evaluere alle spesialiserte preststillingar kvart tredje år. Stillinga inngår som fast stilling i prostiet, men innhald vil på sikt kunne bli endra ut i frå behova i prostiet og utviklinga på satsingsområda. Den som er i stillinga må være inneforstått med justeringar i arbeidsoppgåver.  

Kvalifikasjonar

• Medlemskap i Den norske kyrkja
• Stadfesting frå studiestad om at du har opptak på studiet, og maksimalt har 120 studiepoeng igjen før du kvalifiserer til presteteneste etter tenesteordningen for kyrkjelydsprestar § 3
  eller
  
• Cand. theol. med praktikum eller tilsvarende/master i teologi med praktikum

Personlege eigenskapar

• Erfaring med og kunnskap om ungdomsarbeid
  
• Evne og vilje til samarbeid
  
• Eit ønske om å bygge relasjoner og motivere frivillige
• Søkjar må kunne samarbeida også liturgisk med kollegaer uavhengig av kjønn eller teologisk usemje

Vi tilbyr

• Stillingskode 0950 prestevikar etter KA sitt tariffområde (0922 kapellan etter vigsling til prest)
• Pensjonsordning hos KLP
• Reiseutgifter godtgjort etter gjeldande regulativ
  
• Til løna kjem særskilte regulativmessige godtgjersler
  
• Arbeidsrettleiing (ABV)

 

Andre opplysningar

Søkar må ha førerkort og disponere eigen bil.

Målforma er nynorsk.

Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke. 

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20.

Kontaktinformasjon

Knut Magne Nesse, Prost i Sunnfjord, 91713275
Therese Nesse Mokkelbost, HR-sjef i Bjørgvin bispedøme, 93612276

Arbeidsstad

Kyrkjevegen 23
6809 Førde

Nøkkelinformasjon:

Arbeidsgivar: Den norske kirke

Referansenr.: 5026499341
Stillingsprosent: 100%
Fast
Søknadsfrist: 09.11.2025