Hopp til innhold

Helsefagarbeidar i 100% fast stilling – Grandane bufellesskap

Arbeidsgiver

Årdal kommune Bu og miljøtenesta

Sted

Statsråd Evensensveg 4, 6885 Årdalstangen

Om jobben

Type ansettelse
Fast, heltid 100%
Antall stillinger
1
Arbeidsspråk
Norsk

Søk på jobben

Søk senest onsdag 2. desember

Ynskjer du ein jobb der du verkeleg kan utgjere ein forskjell i andre menneske sine liv?

 

Grandane bufellesskap søkjer ein engasjert og fagleg trygg helsefagarbeidar. Me ser etter deg som ynskjer å bidra til gode tenester, har evne til å byggje trygge relasjonar og som kan stå støtt i situasjonar der åtferd kan vere utfordrande.

 

Arbeidet inneber tett oppfølging av personar med samansette behov. Nokre av tenestemottakarane kan i periodar vise åtferd som utfordrar, og det er viktig at du er trygg, tolmodig og evnar å stå i krevjande situasjonar over tid. Me søkjer difor medarbeidarar som kan møte sterke kjensleuttrykk med ro, respekt og fagleg refleksjon, og som er opptekne av å forstå kva åtferda uttrykkjer og kva behov som ligg bak.

 

Dette er ei stilling som gir moglegheit til å gjere ein stor forskjell for menneske som treng stabile, trygge og engasjerte medarbeidarar rundt seg. Arbeidet krev tolmod, fagleg nysgjerrigheit og evne til å halde fast ved gode relasjonar også når dagane er krevjande.

 

Kvalifikasjonar
  • Autorisasjon som helsefagarbeidar
  • Erfaring frå arbeid med personar med psykisk utviklingshemming og ulike oppfølgings- og bistandsbehov er ynskjeleg
  • Erfaring med åtferd som utfordrar er ein fordel
  • Bilsertifikat
Lang og relevant erfaring frå arbeid med åtferd som utfordrar kan vege opp for manglande formell kompetanse.

 

Personlege eigenskapar

Me søkjer deg som:

  • Er trygg, roleg og løysingsorientert i utfordrande situasjonar
  • Har gode evner til å byggje tillit og stabile relasjonar
  • Er tolmodig og uthaldande, også når utvikling skjer i små steg
  • Kan handtere uforutsette situasjonar på ein profesjonell måte
  • Er trygg på eigne reaksjonar og tek imot rettleiing og attendemeldingar på ein konstruktiv måte
  • Kan arbeide både sjølvstendig og i team
  • Bidreg til eit godt arbeidsmiljø
Personlege eigenskapar vil bli tillagt stor vekt.

 

Me tilbyr
  • Eit fagleg spennande og meiningsfullt arbeid
  • Dyktige kollegaer og eit godt arbeidsmiljø
  • God og trygg opplæring tilpassa arbeidsoppgåvene og tenestemottakarane du skal arbeide med
  • Fagleg rettleiing og oppfølging 
  • Moglegheit for fagleg utvikling
  • Lange vakter
  • Årsturnus
  • Løn og arbeidsvilkår etter gjeldande avtaleverk

 

Tilsetjing

Tilsetjing skjer så snart som mogleg.

Det kan bli andre ledige stillingar som følgje av interne tilsetjingar. Oppgje gjerne i søknaden dersom du også er interessert i andre stillingsstorleikar eller vikariat som måtte bli ledige.

 

Velkommen som søkjar! Me gler oss til å høyra frå deg!

 

 

Andre opplysningar:

  • Den statlege ordninga med sletting av studiegjeld med 25.000kr i året gjeld for deg som har bustadadresse i Årdal kommune. Sjå Lånekassen.no for meir informasjon om kvalifisering.
  • Me gjer merksam på at ifølgje offentleglova §25, 2. ledd kan opplysningar om søkjaren bli offentleggjort, sjølv om du har oppmoda om å ikkje bli ført opp på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
  • Alle nytilsetjingar vert gjort med ei prøvetid på 6 månader.
  • For stillingar der det etter lov eller forskrift vert stilt spesielle krav til politiattest, skal det leggjast fram før tilsetjing.

Link til søknadsskjema: Søk her

Kontaktperson for stillingen

Marit Njøs Natvik

+47 47641854

marit.njos.natvik@ardal.kommune.no

Om bedriften

Når du kjem innover langs Sognefjorden og trur du snart ikkje kan koma lengre, der finn du tekonologibygdi Årdal som òg er nasjonalparkkommune. Årdal er vertskap for fleire populære festivalar med besøk av folk frå fjern og nært. Kommunen har aktive grupper innan alt ein kan driva med på fjord og i fjell og er ein kulturell- og idrettsaktiv kommune. I kommunen er det har seks barnehagar, to skular, ein vidaregåande skule. På Skeikampen har me ei koseleg bedriftshytte for tilsette. Me har gode stipendordningar til etter og vidareutdanning. Meir informasjon om kommunen finn du på heimesida vår www.ardal.kommune.no, www.dittardal.no og www.visitardal.no. Sjekk oss gjerne på Facebook og Instagram. Velkomen til oss i Årdal !

Sektor

Offentlig

Del annonsen

Annonsedata

Rapporter annonse
Stillingsnummer

583963a3-dbf4-4e02-a5b6-aa51a79b0554

Sist endret

18. november 2026

Hentet fra

visma-easycruit

Referanse

3679999_229359_nn

Lignende annonser

Laster lignende annonser