Fysioterapeut

Vi søkjer ein engasjert fysioterapeut til ei fast 100 % stilling med oppstart 1. januar 2026. Stillinga er delt mellom 60 % kvardagsrehabilitering og 40 % andre kommunale oppgåver, og er organisert under seksjon rehabilitering, som ligg i avdeling barn, familie og helse, i sektor helse og omsorg.

Seksjon rehabilitering består av kommunale fysioterapeutar, ergoterapeutar, helsesjukepleiar og fysioterapeutar med driftsavtale. Kvardagsrehabiliteringsteamet er tverrfagleg samansett av fysioterapeut, ergoterapeut og sjukepleiar. Seksjonen har eit godt etablert samarbeid mellom kommunale og private funksjonar, og arbeider aktivt for å sikre heilskaplege og koordinerte tenester.

Arbeidsoppgåver

• kvardagsrehabilitering: arbeidet er organisert i eit tverrfagleg team med fysioterapeut, ergoterapeut og sjukepleiar, kvar med 60 % stilling. Teamet utfører kartleggingsbesøk, der dei prioriterer målsettingar og følger opp i ei tidsavgrensa periode.
• arbeid på sjukeheim, i hovudsak på korttidsavdeling
• gruppebehandling:  bassenggruppe for barn og vaksne/eldre, balansegruppe for heimebuande vaksne og eldre
• heimebehandling
• rettleiing av turnusfysioterapeut
  
• rettleiing og opplæring til andre tilsette i kommunen
• rettleiing og opplæring i høve Sterk-og-stødig-grupper
• andre fysioterapioppgåver.

Kvalifikasjonar

• norsk autorisasjon som fysioterapeut
• gode norskkunnskapar, både munnleg og skriftleg
• erfaring frå kommunehelsetenesta er ønskjeleg
• kompetanse innan rehabilitering og/eller kvardagsrehabilitering, fysioterapi for eldre og gruppebehandling er ønskjeleg
  
• sertifisering som Sterk-og-stødig-rettleiiar er ein fordel

Du må ha førarkort klasse B.

Godkjend politiattest må leggast fram før oppstart.

Kommunen har nynorsk som administrasjonsmål.
Vi ber om at du lastar opp vitnemål og attestar i Webcruiter saman med søknaden.

Personlege eigenskapar

• gode samarbeidsevner og evne til å arbeide tverrfagleg
• god kommunikasjonsevne og relasjonskompetanse
• evne til å arbeide sjølvstendig og strukturert
• fleksibel, løysingsorientert og initiativrik
• engasjert i fagutvikling og kvalitetsforbetring
  

Personlege eigenskapar vert lagt vekt på.

Vi tilbyr

• Eit godt arbeidsmiljø med kollegaer som er opptekne av fagleg utvikling.
• tverrfagleg samarbeid med dyktige kollegaer
• moglegheit for fagleg utvikling og kompetanseheving
• gode pensjons- og forsikringsordningar gjennom KLP
• lønn etter gjeldande tariffavtale

Herøy kommune er i kommunegruppe 5, noko som vil seie at dersom du bur og arbeider i kommunen kan du frå 1. januar 2025 årleg få sletta studielånet med  kr. 25 000 kroner når året er gått. Dette gjeld også dersom du flyttar til kommunen etter denne datoen.

Tilsetjing etter gjeldande tariffavtale, lover og reglement.  Aktuelle kandidatar vil verte kalla inn til intervju.  Søkjarlista kan verte offentleggjort.

Kontaktinformasjon

Maria Elena Nilsen, Seksjonsleiar, +47 97 56 20 70

Arbeidsstad

Eggesbøvegen 11
6092 Fosnavåg

Nøkkelinformasjon:

Arbeidsgivar: Herøy kommune

Referansenr.: 5024154213
Stillingsprosent: 100%
Fast
Søknadsfrist: 28.10.2025