Brukarstyrt personleg assistent (BPA) 

Om stillinga

Er du på utkikk etter ein givende deltidsjobb, kor du kan gjere ein stor forskjell i nokon sitt liv?

Me søkjer ei kvinneleg personleg assistent (BPA) til ein ungdom med alvorleg grad av ME. Grunna helsetilstanden hennar trengs det hjelp i kvardagen med praktiske oppgåver - slik at ho og familien får ein trygg, stabil og lettare kvardag.

Arbeidsoppgåver

• Aktivitetar og sosialisering med brukar
• Matlaging til brukar
• Handle daglegvarar ved behov
• Hjelp til vanlege praktiske gjeremål i heimen

Arbeidstid og omfang: 

• Mellom klokka 12.00 og 22.00 på kvardagar
• Arbeid kvar tredje helg, mellom klokka 12.00 og 21.00
• Me er fleksible med turnus og timar for den rette personen
• Arbeidet vil utgjere ca 20 timar pr. veke, og 15 timar kvar tredje helg

Kvalifikasjonar

Krav

• Beherskar norsk munnleg
• Ha evne til å samarbeide og bidra positivt 
• Ha god arbeidsmoral og møte til avtalt tid

Ønskjer

Erfaring er fint, men ikkje eit krav - me gir opplæring

Personlege eigenskapar

• Du har godt humør og kan bidra med litt humor i kvardagen
• Du er tolmodig, roleg og ansvarsbevisst
• Personleg eignaheit vil bli vektlagt
• Politiattest må fremleggjast ved tilsetting (pålagt lovkrav)

Me tilbyr

• Ein meinigsfull jobb kor du verkeleg kan gjere ein forskjell
• Eit trygt og hyggeleg heimemiljø
• God opplæring og støtte
• Moglegheit for fleksibel arbeidstid

• Lønn, offentleg pensjon og arbeidsvilkår etter gjeldande lov- og avtaleverk
• Gunstige pensjonsordningar, yrkesskade- og gruppelivsforsikring

Arbeidstilhøve

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera godkjent av Direktoratet for høyere utdanning og kompetanse, HR-dir. Me legg vekt på å leggja til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.