Ung jobb i barnehagene i Ullensvang kommune

Det er ledig sommarjobb i barnehage frå 22. juni 2026.

Her får du høve til å få jobberfaring, tena eigne lommepengar og utvikla personlege eigenskapar. 

Årets sommerjobb i barnehage er forbeholdt ungdom som bur i Ullensvang kommune og er mellom 13 til 17 år. 

Ullensvang kommune har 13 barnehagar. I barnehagen skal barna få opplevingar, erfaringar og kunnskap som gjer at dei kan byrja på skulen med tryggleik, nysgjerrigheit og tru på eiga meistring. Det blir lagt til rette for at barn får fridom til å leika, oppleva magiske augneblinkar og påverka sin eigen barndom. Læringsmiljøet skal vera utviklande for sosial og språkleg kompetanse. 

Her kan du lesa meir om dei ulike barnehagane våre

Ta kontakt med styrar i barnehagen om du har spørsmål om stillingen.

Organisering i jobben: 

Inntil to veker, og mellom 4- 7 timar per dag. Det kan væra høve til å få avtale om arbeid etter skuletid og i skuleferiane elles gjennom året. 

Kompetanse: 

• Interesse for å gje omsorg til barn og leika med barn 

• Erfaringar frå barnehage og/eller skule frå eiga barnehage- og skuletid 

Kvalifikasjonar og personlege eigenskaper og aktuelle arbeidsoppgåver: 

• Evne til å vera ein god leikeressurs 

• Evne til å gje omsorg og hjelpa med påkledning, støtta barn ved måltid og i ryddesituasjonar i barnehagen. Evne til å hjelpa med praktisk arbeid som dekking av bord, rydding av leiker og utstyr inne og ute. 

Opplæring vert gjeven ved oppstart. Rettleiing og oppfølging vert gitt undervegs i arbeidssituasjonen. 

Krav: 

Samtykke frå føresette. Ungdom under 15 år må ha skriftleg samtykke frå føresette før dei startar opp i jobben.  

Arbeidstakar under 18 år vert orientert om kva teieplikt betyr og reglar om bruk av mobiltelefon i arbeidstid. Politiattest i samtykke med føresette. 

Det er viktig at du i søknaden skriv i kva barnehage du søkjer til og vekene du søkjer på. Har du fleire val, må du prioritera dei i rekkjefølgje (1.2.3).

Løn 

Under 16 år: 80% av minsteløn jf. gjeldande Hovudtariffavtale. Kr. 162,87 pr time. Timelønna vert justert opp etter lønnsoppgjer pr 01.05.26. 

16- 18 år: 90% av minsteløn jf. gjeldande Hovudtariffavtale. Kr. 183,23 pr time. Timelønna vert justert opp etter lønnsoppgjer pr 01.05.26. 

De vil få svar på søknaden i veke 18, innan 15.05.26

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling. 

For å gjera unntak må kommunen ha heimel i lova og vurdera konkret i kvar sak kva som er grunnen til unntaket. 

I følgje offentleglova § 25 vert det stilt følgjande krav for å få unntak: 

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette. 

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e- post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e-post i innboksen din, sjekk uønska e- post/søppelpost, eller fylge følgjande link: https://signering.posten.no/