Rådgjevar for demens og utvikling i helse og omsorg

Har du eit hjarte for demensomsorg og er engasjert i kvalitetsforbetring, implementerings- og rettleiingsarbeid? Då er dette stillinga for deg!

Stad kommune ønskjer å styrkje satsinga på utvikling innan helse- og omsorgstenestene, og søkjer no etter ein rådgjevar for demens og utvikling i helse og omsorg.

Dette er ei 100 % stilling, der 50 % er knytt til eit treårig prosjekt som demenskoordinator.

Stillinga har arbeidsstad på Nordfjordeid, men vil òg vere aktivt ute i arbeidsfeltet og bidra til at oppgåvene i stillinga vert implementert og fylgt opp på ein god måte. Du får eit spennande og variert arbeidsfelt i heile kommunen – der du får høve til å kombinere fleire viktige funksjonar:

• Demenskoordinator - 50% prosjektstilling over tre år
• Miljøretta helsevern
• Etisk kompetanseheving
• Frivilligheit
• Andre oppgåver kan tilkomme

Rådgjevar rapporterar til kommunalsjef for helse og omsorg. 

Arbeidsoppgåver

• Fungere som bindeledd mellom personar med demens, deira pårørande og dei ulike delane av tenestene
• Leie og være ein del av hukommelsesteamet.
• Sikre at kommunen arbeider systematisk og planmessig med demensomsorg, både internt og i samarbeid med relevante partar
• Bidra i utviklingsarbeid, implementering av tiltak og kvalitetsforbetring
• Ivareta lovpålagde oppgåver innan miljøretta helsevern (jf. folkehelselova kap. 3)
• Drive fram og følgje opp systematisk etisk refleksjon i helse- og omsorgstenestene
• Vidareutvikle og systematisere samarbeidet mellom helse- og omsorgstenestene og frivilligheita
• Andre arbeidsoppgåver kan bli tillagt etter behov. 
  

Kvalifikasjonar

• Helsefagleg utdanning på høgskule/universitetsnivå
• God norsk-kunnskap, både munnleg og skriftleg
• God IKT-kunnskap
• Førarkort klasse B
• Ynskjeleg med vidareutdanning og erfaring frå demensomsorg
• Ynskjeleg med vidareutdanning innan fagutvikling og kvalitetsarbeid
• Vi legg vekt på at du er personleg eigna for stillinga

Personlege eigenskapar

• Du tek initiativ og ansvar
  
• Du kommuniserer godt og tydeleg 
• Du har god skriftleg framstillingevne
• Du er sjølvstendig og samarbeider godt med andre
• Du jobbar for eit godt og utviklande arbeidsmiljø
• Du likar utfordrande arbeidsoppgåver og varierte arbeidsdagar
• Du er fleksibel og interessert i forbetringsarbeid
  

Vi tilbyr

• Godt tverrfagleg samarbeid og godt arbeidsmiljø
• Høve til fagleg utvikling
• Løn- og arbeidsvilkår i samsvar med gjeldande lov- og avtaleverk
  
• Gode pensjons- og forsikringsordningar
• Tilbod om flyttegodtgjersle dersom du vil flytte til kommunen vår
• Tilrettelegging for vidareutdanning på område som kommunen har behov for

Vi ber om at attestar, vitnemål og relevante referansar vert lagt ved søknaden. 

Stad kommune har seks månader prøvetid. Poitiattest skal leggast fram før start i stillinga. Aktuelle søkjarar må ha førarkort. 

Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast. 

Ring oss gjerne for ein prat, så fortel vi meir!

Kontaktinformasjon

Barbro Longva, kommunalsjef helse og omsorg, 92855900, barbro.longva@stad.kommune.no

Arbeidsstad

Fossevegen 2
6770 NORDFJORDEID

Nøkkelinformasjon:

Arbeidsgivar: Stad kommune

Referansenr.: 4990185441
Stillingsprosent: 100%
Fast
Søknadsfrist: 12.11.2025