Førsteamanuensis/førstelektor/høgskulelektor innan fagområde vernepleie

Ved Høgskulen på Vestlandet (HVL) er det ledig ein fast stilling i 100 % som førsteamanuensis/førstelektor/høgskulelektor innan fagområde vernepleie ved Fakultet for helse- og sosialvitskap – campus Bergen

Stillinga er knytt til Fakultet for helse- og sosialvitskap, Institutt for velferd og deltaking.

Stillinga er i hovudsak knytt til Bachelor vernepleie, men ein må også rekne med undervisnings- og rettleiingsoppgåver på andre studietilbod i instituttet.

Stillinga inneber undervisning, forsking og fagutvikling med særleg vekt på miljøterapi, medrekna psykologiske og pedagogiske tema, både teoretisk og praktisk. Stillinga er primært knytt til bachelorutdanninga i vernepleie, men vil òg innebere oppgåver knytt til fleire studietilbod ved instituttet. Dette inneber undervisning, rettleiing, forsking og fagutvikling i ulike studietilbod på bachelor- og masternivå ved instituttet, og samarbeid på tvers av fagområde, forskingsmiljø og campus. 

Arbeidsstad er campus Bergen. Det må påreknast noko reiseverksemd til andre campus.

Ansvars- og arbeidsområde:

• Undervisning, ferdigheitstrening og seminarleiing innan vernepleiefaglege emne og andre relevante fagområde
• Rettleiing og oppfølging av studentar
• Praksisoppfølging
• Vurdering, sensur og emneansvar
• Pedagogisk utviklingsarbeid og vidareutvikling av studietilboda ved instituttet
• Forsking, fagutvikling og formidlingsarbeid med relevans for instituttet sine fagområde
• Bidra til utvikling og gjennomføring av utdanningstilbod på tvers av studieprogram, fagmiljø og campus

Kvalifikasjonar:

Kriterier for tilsetting i stilling som førsteamanuensis/førstelektor fremgår av Forskrift til universitets- og høyskoleloven 

• For tilsetjing som førsteamanuensis må søkjar ha fullført doktorgrad innan relevant fagområde og ha relevant profesjonsutdanning på masternivå eller tilsvarande kompetanse
• For tilsetjing som førstelektor må søkjar ha førstekompetanse i samsvar med forskrifta, fortrinnsvis med autorisasjon som vernepleiar
• For tilsetjing som høgskulelektor må søkjar ha mastergrad innan relevant fagområde, normalt med karakter A eller B på masteroppgåva. Fortrinnsvis profesjonsutdanning og norsk autorisasjon som vernepleiar, men andre relevante profesjonsutdanningar vil òg bli vurderte
• Utdanningsfagleg kompetanse er eit krav for stillinga
• Relevant klinisk erfaring og praksisnær kompetanse
• Interesse for, og fortrinnsvis erfaring med, pedagogisk utviklingsarbeid og varierte undervisningsformer
• God IKT-kompetanse
• Undervisningsspråket er norsk og søkjar må ha god munnleg og skriftleg framstillingsevne på norsk eller anna skandinavisk språk på minimum B2-nivå, i tillegg til engelsk

Ønska kvalifikasjonar:

• Erfaring med undervisning og rettleiing i høgare utdanning
• Erfaring med forskings- og utviklingsarbeid
• Erfaring med praksisnære forskingsprosjekt
• Erfaring med å skrive søknader og skaffe ekstern finansiering
• Erfaring med og interesse for internasjonaliseringsarbeid
• Erfaring med velferdsteknologi og digitalisering
• Erfaring med tverrprofesjonelt samarbeid

Personlege eigenskapar:

• Gode samarbeidsevner i møte med studentar og kollegaer
• Fleksibel og løysingsorientert
• God formidlingsevne
• Engasjement for fagleg utvikling

 

Utdanningsfagleg kompetanse

Søkjarar som ved tilsetting ikkje fyller krava, må fylle dei innan to år. HVL tilbyr kurs i høgskulepedagogikk. For stilling som førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kvalifikasjonskrav til utdanningsfaglig basiskompetanse for ansettelse, opprykk og overgang ved HVL - Høgskulen på Vestlandet.

Korleis søke på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskaplege arbeid (inntil 15 stk.)
• fullstendig publikasjonsliste
• attestar og vitnemål. 

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsettingar. Om vedlegga overstig 25 MB må dei komprimerast før opplasting eller leggjast ved som lenke.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadane vert sendt elektronisk til det sakkunnige utvalet. På bakgrunn av utvalet si vurdering, vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving- og utvikling
• Høve for trening i arbeidstida

Stillinga som førsteamanuensis/førstelektor/høgskulelektor er lønna etter Statens lønsregulativ, i stillingskode 1011 førsteamanuensis/1198 førstelektor/1008 høgskulelektor.

Frå løna blir det trekt 2 % innskot til Statens pensjonskasse.

Generell informasjon:

Vi gjer merksam på at i tråd med offentleglova, kan opplysningar om søkjaren bli gjort offentleg sjølv om søkjaren har bede om å ikkje bli oppført på søkjarlista. Søkjaren vil bli varsla dersom førespurnad om unntak for offentleggjering ikkje vert teken til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetting og å rekruttere personar med minoritetsbakgrunn, nedsett funksjonsevne og hol i CV. 

Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.

Kontaktpersonar ved Høgskulen på Vestlandet:

1) Vigdis Reisæter, Assisterande instituttleiar 

Telefon: +47 57 67 76 32 | E-post: vigdis.reiseter@hvl.no

2) Øyvind Reehorst Kalsås, Instituttleiar 

Telefon: | E-post: oyvind.reehorst.kalsas@hvl.no