Me søkjer innhaldsprodusent / SoMe-entusiast til Kattnakken

Har du drøymt om å bli influensar, eller berre elskar å lage innhald og spreie godt humør?

No kan du bli Kattnakkens eigen influensar.

Me ser etter ein kreativ, engasjert og smilande person som vil vere med å gjere Kattnakken endå meir synleg i sosiale medium.

Hos oss får du bruke kreativiteten din kvar dag. Du skal lage innhald til Instagram, Facebook, TikTok og Snapchat -- små filmar, stories og augeblikk frå kvardagen som viser livet i regnet.

Dette skal du gjere:

• Lage dagleg innhald (bilete, video, stories, reels, TikToks og snaps), både framfor og bak kamera

• Planleggje og publisere innhald saman med marknadsavdelinga

• Fange små augeblikk og historier som viser kven Kattnakken er

• Delta på innspelingar, event og kampanjar

• Delta på produksjon av live-sendingar

• Støtte marknadsavdelinga der det trengst -- til dømes ved å sende nyheitsbrev og bidra i andre marknadsføringsoppgåver

• Vere fleksibel og hjelpe til med andre oppgåver når det trengst i kvardagen, også utanfor rein innhaldsproduksjon

Me ser etter deg som:

• Er aktiv på sosiale medium og likar å formidle

• Tør å bruke deg sjølv framfor kamera -- med glimt i auga

• Er kreativ, sjølvstendig og får energi av å skape

• Har god språkfølelse og sans for visuell kommunikasjon

• Klarar å kjenne deg att i målgruppa vår -- familiar, born og vaksne som likar å vere ute, uansett vêr

• Har god kamerahandtering på mobil; du veit korleis du fangar gode vinklar og lys, og er vane med å redigere.

Det er kjekt om du har erfaring med:

• Redigering på mobil eller i Adobe Premiere

• Enkle storyboards og planlegging av innhald

• Publisering i Meta Business Suite eller TikTok Creator Studio

• Kjennskap til korleis ein tilpassar innhald til ulike plattformer

Me tilbyr:

• Ein unik moglegheit til å vere med å byggje Kattnakken vidare i sosiale medium

• Eit varmt, kreativt og inkluderande arbeidsmiljø

• Ein variert kvardag der du får jobbe både med innhald og marknadsføring. Og kjekke folk!

• Løn etter avtale

• I utgangspunktet ei fulltidsstilling

Kort fortalt:
Du er den som får folk til å smile, stoppe opp, og kanskje kjøpe ei regnjakke.

Kjenner du deg att?
Då vil me gjerne at du sender oss ei kort søknad og ein videosnutt på inntil 45 sekund, der du fortel litt om deg sjøl, eller kanskje om eit produkt du likar ekstra godt (videosnutten får du ikkje lasta opp i søknadsskjemaet til Finn, så legg gjerne den ved via en link i skjemaet).