Me søker Kvalitetsingeniør

Eide er eit familieeigd selskap og ein av pionerane i havbruksnæringa. Me har ein visjon om å setje standarden for framtidas havbruk. Visjonen vår handlar om å vere eit førebilete, slik at me kan produsera mat i sjøen på ein berekraftig måte. Kvart år produserer me om lag 22 000 tonn høgkvalitets laks og aure, og verksemda dekkjer heile verdikjeda frå rogn til sluttkunde -- frå settefisk og matfiskproduksjon til slakteri, vidareforedling, teknologiutvikling, produktdesign og eiga restaurantdrift.

Kvalitetsavdelinga -- frå rogn til bord

Kvalitetsavdelinga i Eide har eit omfattande ansvar som strekkjer seg gjennom heile verdikjeda. Me arbeider for å sikre høg kvalitet i alle ledd -- frå settefisk og matfisk til ferdig produkt, teknologiutvikling og servering.

Avdelinga har ansvar for mellom anna:

• Internkontroll og internrevisjonar
• Tilsynsarbeid og kontakt med myndigheiter
• HMS (helse, miljø og tryggleik)
• Risiko- og avvikssystem
• Kvalitetsoppfølging av produkt og prosessar
• Oppfølging av sertifiseringsordningar
• Kontinuerleg forbetringsarbeid i verksemda

Om stillinga

Som kvalitetsingeniør vil du støtte drifta av anlegga våre og bidra til at kvalitetsarbeidet held høg standard. Du får varierte og utviklande oppgåver, mellom anna:

• Vedlikehalde og vidareutvikle interne kvalitetsstandardar
• Delta i tilsyn, sertifiseringsrevisjonar og interne revisjonar
• Sikre etterleving av lover, forskrifter og sertifiseringar
• Rapportere og dokumentere kvalitetsarbeidet på ein strukturert måte
• Bruke og følgje opp kvalitetssystemet, inkludert avvikshandtering
• Bidra i arbeidet med kontinuerleg forbetring og være støtte til produksjon

Kven er du?

Me ser etter deg som er systematisk, strukturert og engasjert, og som trivst med å skape orden og forbetring i arbeidsprosessar. Erfaring frå industriell produksjon eller teknisk drift er ein fordel, men ikkje eit krav. Kjennskap til kvalitetssystem og HMS.

Me ønskjer at du har:

• Utdanning innan relevant fagområde (t.d. ingeniørfag, kvalitetsleiing, produksjon, akvakultur eller liknande). Relevant erfaring kan kompensere for manglende utdanning
• Evne til å arbeide sjølvstendig, strukturert og målretta
• Gode samarbeidsevner og kommunikasjonsevner
• God munnleg og skriftleg framstillingsevne

Kvifor Eide?

I Eide tør me å satse, på visjonar og på folk. Me bryr oss om kvarandre, fisken vår, og miljøet me driv og lever i. Her får du:

• Ei nøkkelrolle i eit selskap i vekst og utvikling
• Moglegheita til faglig og personleg utvikling
• Stor påverknadskraft og ansvar frå første dag
• Eit arbeidsmiljø prega av engasjement, fleksibilitet og kort veg til avgjersle

Det er viktig at du har det gøy på jobb hos oss, og saman skal me ta Eide til nye høgder. Som vår nye kvalitetsingeniør blir du del av eit kompetent og engasjert fagmiljø som brenn for framtidsretta matproduksjon og kontinuerleg forbetring.

Dersom du har spørsmål knyt til stillinga kan du ta kontakt med kvalitetsleiar Olav Tveitnes: 90195645 / olav.tveitnes@efb.no