Rettleiar i sosialtenesta

Er du kreativ, god til å samarbeida og å motivera? Då treng me deg med på laget.

Nav Kvam har ledig stilling som rettleiar i 100% fast stilling frå snarast. Stillinga er ein del av sosialtenesta ved Nav Kvam. Me er 22 tilsette ved kontoret og yter tenester til innbyggjarane i Kvam herad og samarbeider med Nav i regionen Voss/Hardanger.

Me ser etter deg som vil vera med og løysa Nav sitt samfunnsoppdrag i eit tverrfagleg fellesskap.

Arbeidsoppgåver

• Førebuing og fatting av vedtak og oppfølging i tråd med sosialtenestelova
• Tverrfagleg arbeid og oppfølging av mennenske med samansette behov
• Opplysningsarbeid og førebygging innan tema privat økonomi med mål om økonomisk sjølvstende
• Råd og rettleiing mot jobb og relevante kvalifiseringstiltak
• Informasjon, råd og rettleiing knytt til Nav sine tenester
• Råd og rettleiing i publikumsmottak og vakttelefon
• Nav er ein organisasjon i stadig endring og nye arbeidsoppgåver må påreknast
  

Kvalifikasjonar

• 3-årig høgskuleutdanning innan sosialt arbeid. Annan relevant høgskuleutdanning kan også vurderast
• Erfaring frå rettleiingsarbeid er ei føremon
• Erfaring med bruk av data som arbeidsverktøy og generell god digital kompetanse
• God økonomisk forståing og interesse for privatøkonomi
• God samhandlings- og formidlingsevne, både skriftleg og munnleg 
• Førarkort klasse B

Det er ynskjeleg at du kan utvisa sosialfagleg skjønn, og ha økonomisk og juridisk forståing av fagfeltet

Personlege eigenskapar

• Du har evne til å motivera og skapa tillit
• Du møter andre på ein respektfull og open måte
• Du arbeider målretta og nøyaktig i ein travel kvardag
• Du er ein som ser ressursar og leitar etter løysingar for den enkelte
• Du bidreg positivt i arbeidsmiljøet, er fleksibel og initiativrik
  

Vi tilbyr

• Godt arbeidsmiljø
• Utfordrande oppgåver på eit viktig samfunnsområde
• Tverrfagleg arbeidsmiljø med gode kollega som er flinke til å samarbeida for å finna gode løysingar
• Løn etter gjeldande tariffavtale og lokalt lønssystem
• Gode offentlege pensjons- og forsikringsvilkår

 

Generell informasjon:
Søknadar må sendast via Webcruiter for å verta registrert på utlysingssaka
I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta
Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette

Den kommunale organisasjonen skal i størst mogleg grad spegla mangfaldet i folkesetnaden. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.   

Kontaktinformasjon

Sigrid Karin Dolve, NAV-leiar, +47 906 57 935

Arbeidsstad

Grovagjelet 16
5600 Norheimsund

Nøkkelinformasjon:

Arbeidsgivar: Kvam herad

Referansenr.: 5003661231
Stillingsprosent: 100%
Fast
Startdato: 03.11.2025
Søknadsfrist: 05.10.2025