Sekretær

Voss DPS NKS Bjørkeli

Bjørkelivegen 27, 5705 Voss

Om jobben

Stillingstittel: Sekretær, 50% vikariat
Type ansettelse: Vikariat, deltid
Arbeidsspråk: Norsk
Antall stillinger: 1
Arbeidssted: Hjemmekontor ikke mulig

Søk på jobben

Søk senest i dag

Me har ledig vikariat i 50% stilling, 6 månedar med moglegheit for forlenging/fast, som helsesekretær/sekretær ved Voss DPS NKS Bjørkeli.

Poliklinikken ved Voss DPS består av totalt 30 stillingar, fordelt på ein allmennpoliklinikk med gruppeteam og rehabiliteringspoliklinikk i flotte, moderne lokale. Som sekretær hjå oss får du tre andre sekretær-kollegaer, der den eine er kontorleiar. I tillegg blir du del av eit større fellesskap med eit breitt utval av yrkesgrupper; psykologar, legar, sjukepleiarar, sosionomar, vernepleiar, ergoterapeut, fysioterapeut og musikkterapeut. Me har eit godt arbeidsmiljø og samarbeid mellom oss. Pasientane våre er hovudsakleg i frivillig behandling, men me har også pasientar underlagt tvungent psykisk helsevern utan døgnopphald, og pasientar som er på dom til tvungent psykisk helsevern.

Arbeidsoppgåver

Kontoreininga er bindeleddet i det tverrfaglege samarbeidet gjennom koordinering og administrering av pasientforløp
Kommunikasjon med pasientar, pårørande og samarbeidspartnarar. Svært mykje av dette føregår via telefon.
Ekspedisjonsoppgåver
Daglege arbeidsoppgåver i DIPS Arena.
Bestilling av pasienttransport
Bestilling av tolk
Timeavtalar og ymse andre oppgåver i DIPS for behandlarar
Delegerte ekstraoppgåver frå kontorleiar
Ha medansvar for eigen læring og fagutvikling

Kvalifikasjonar

Autorisert helsesekretær, medisinsk sekretær eller anna tilsvarande

Du må meistre norsk godt, både skriftleg og munnleg

Det vil bli lagt vekt på personlege eigenskapar

Me ynskjer oss

God IKT-kunnskap

Fordel med erfaring med DIPS Arena og Elements

Lagspelar med gode samarbeidsevner

Evne til å arbeide sjølvstendig

Nøyaktig og strukturert

Serviceinnstilt og ansvarsbevisst

Arbeidssam og må trivast i eit aktivt og travelt miljø

God evne til forståing og omstilling

Endringsvillig

Opptatt av å bidra til eit godt arbeidsmiljø

Me tilbyr

Ein triveleg arbeidskvardag med gode kolleger

Varierte arbeidsoppgåver (telefon, lukefunksjon, brukarstøtte m.m.)

Arbeidstid frå 08.00-15.30 mandag til fredag

Eit inkluderande og tverrfagleg arbeidsmiljø

Moglegheit for fagutvikling

Løn i samsvar med gjeldande overeinkomst

God pensjonsordning (KLP)

Me opererer ikkje med offentleg søkerliste.

Om bedriften

Voss DPS har driftsavtale ("sjukehusavtale") med Helse Vest RHF og er eigd av N.K.S. Vestland, Hordaland. Vi er distriktspsykiatrisk senter med befolkningsansvar innan psykisk helsevern vaksne for Voss lokalsjukehusområde, dvs. kommunane Voss, Kvam, Vaksdal, Ulvik og Eidfjord.

Voss DPS består av ei døgnavdeling og ei poliklinikkavdeling med allmennpsykiatrisk seksjon og rehabiliteringspoliklinikk. Poliklinikken har dessutan eit godt utvikla gruppetilbod med fokus på traumer og personlegdomsforstyrringar. Vi har 75 ansatte. Vi er tverrfagleg samansett med psykiatarar, psykologspesialistar, legar og psykologar i spesialisering, spesialsjukepleiarar, vernepleiarar, sosionomar, fysioterapeutar, hjelpepleiarar, ergoterapeut, musikkterapeut, jobbspesialistar, aktivitetsleiar og sekretærar.

Vi har tett samarbeid med Helse Bergen. Vi har dessutan eige kjøkken, reinhaldspersonell og vaktmeister.

Voss DPS ligg ein snøgg time frå Bergen (med tog), 10 minutters gange frå jernbanen i sentrum. Vi har eit fagmiljø i vekst, eit godt arbeidsmiljø og flotte lokaler.

Voss byr på vakre naturopplevingar, eit spennande kulturtilbod og ca 15.000 gode naboar.