Organisasjonssjef

Vil du vere med og vidareutvikle ein liten kommune med store ambisjonar?

Nissedal kommune søkjer ein tydeleg og utviklingsorientert organisasjonssjef. Stillinga skal bidra til å styrke leiing, samordning og organisasjonsutvikling i kommunen.

Som organisasjonssjef vil du vere ein nøkkelperson i arbeidet med å utvikle gode strukturar, styrke leiarskap og sikre effektiv drift i ein organisasjon der kort veg frå idé til handling er eit stort fortrinn. Du rapporterer til kommunedirektøren og inngår i kommunedirektøren si leiargruppe.

Arbeidsoppgåver

Som organisasjonssjef vil du ha eit overordna ansvar for å styrke kommunen sine interne funksjonar og utvikle organisasjonen. Sentrale oppgåver vil vere:

• støtte kommunedirektøren i heilskapleg leiing og strategisk utvikling
• ansvar for HR og organisasjons-og kompetanseutvikling
• vidareutvikle leiarskap og leiarstøtte i organisasjonen
• sikre gode system for internkontroll, kvalitet og etterleving av lovverk
• bidra til effektiv samordning på tvers av einingar
• delta i, og i periodar leie, utviklings- og omstillingsprosessar
• koordinere arbeid knytt til samarbeid, rapportering og sentrale styringsprosessar
• vere ein pådrivar for forbetring, digitalisering og gode arbeidsprosessar

Kommunen si Fellesteneste med sju årsverk ligg under organisasjonssjefen

Organisasjonssjefen vil vere kommunen sin folkehelsekoordinator

Oppgåvene vil kunne utvikle seg i takt med kommunen sine behov.

Kvalifikasjonar

Vi søkjer deg som har:

• relevant høgare utdanning (minimum bachelor, gjerne master)
• erfaring frå leiing, organisasjonsarbeid eller offentleg forvaltning
• god forståing for offentleg regelverk og kommunal verksemd
• erfaring med HR, organisasjonsutvikling eller kvalitetsarbeid
• god munnleg og skriftleg framstillingsevne

For kandidatar med særleg relevant erfaring kan delar av kvalifikasjonskrava fråvikast.

Personlege eigenskapar

Vi ser etter ein trygg og relasjonssterk leiar som:

• har god gjennomføringsevne og evne til å skape framdrift
• er strukturert og analytisk, men også løysingsorientert
• bygger gode relasjonar og skaper tillit i organisasjonen
• evnar å sjå heilskap og samanhengar
• er utviklingsorientert og trivst med endring og forbetringsarbeid
• kommuniserer tydeleg og involverande
  

Personleg eignaheit vil bli vektlagt.

Vi tilbyr

Hos oss får du ein sentral posisjon i utviklinga av Nissedal kommune.

Vi tilbyr:

• ei strategisk rolle tett på kommunedirektøren
• store moglegheiter til å påverke organisasjon, leiing og retning
• eit handlingsrom der du raskt ser resultat av eige arbeid
• korte linjer, høg grad av tillit og tett samarbeid
• eit engasjert og kompetent arbeidsmiljø
• gode pensjons- og forsikringsordningar
• lønn etter avtale

Kontaktinformasjon

Sverre Sæter, Kommunedirektør, +47 35048402

Nøkkelinformasjon:

Arbeidsgivar: Nissedal kommune

Referansenr.: 5164483849
Stillingsprosent: 100%
Fast
Søknadsfrist: 03.09.2026