Høgskulen på Vestlandet, Fakultet for lærarutdanning, kultur og idrett har ledig ei fast 100% stilling som rådgjevar innan ressursstyring.

Ved Høgskulen på Vestlandet (HVL) er det ledig ei fast stilling som rådgjevar ved Fakultet for lærarutdanning, kultur og idrett. Til stillinga ligg oppgåver innanfor ressurs- og økonomistyring i fakultetet, inkludert rapportering, analyse og utgreiingsarbeid. Den som får stillinga vil arbeide tett på leiinga i fakultetet og stillinga inneber utstrekt samarbeid på tvers av einingar i høgskulen. Stillinga rapporterer til administrasjonssjef. Fakultetet har aktivitet og tilsette på tre campus; Sogndal, Stord og Bergen, og den som blir tilsett vil ha arbeidsstad på ein av campusane.

Ansvars- og arbeidsoppgåver:

• Ressurs-, økonomi- og verksemdsstyring i tett dialog med leiarane i fakultetet
• Bistand, rådgjeving og samhandling med leiarane innan bemanningsplanlegging
• Utgreiings- og utviklingsarbeid i tråd med strategi og planar i fakultetet
• Førebuing og oppfølging av saker for fakultetsleiinga
• Delta og bidra på andre saksfelt etter behov

Kvalifikasjonskrav:

Formell utdanning og kompetanse:

• Høgare utdanning på masternivå, fortrinnsvis innan økonomiske fag. Bachelorgrad med relevant faginnretning kan kompensere for masterkravet.
• God systemforståing, høg digital kompetanse og evne til å handtere komplekse modellar og store datamengder.
• God munnleg og skriftleg formidlingsevne.

Ønska kvalifikasjonar:

• Erfaring med effektivisering- og digitaliseringsprosessar.
• Kjennskap til utdanningssektoren.
• Relevant erfaring innan ansvars- og arbeidsoppgåvene knytt til stillinga.

Personlege eigenskaper:

• Du er ein person som trivs med samarbeid på tvers av ulike fagmiljø, og dine kommunikasjonsevner gjer at du kan bygge gode relasjonar med dei du møter. 
• Du har evne til raskt å sette deg inn i komplekse problemstillingar og sjå heilheiten i utfordringar. 
• Du er også flink til å identifisere behov som kanskje ikkje er like åpenbare ved første augekast, noko som gjer deg til ein verdifull ressurs i prosessar som krev strategisk tenking.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som rådgjevar er løna etter Statens lønsregulativ, i stillingskode 1434 - rådgjevar.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt forskrift for eksportkontrollsystem. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Kontaktperson ved Høgskulen på Vestlandet er:

Administrasjonssjef Tone Reistad, tlf.55 58 75 57, epost: Tone.Reistad@hvl.no
 

Inkludere, utfordre og samhandle

Les meir på våre heimesider.