Hopp til innhold

Deltidsstilling med arbeid ei helg i månaden

Arbeidsgiver

Lærdal kommune Sogn LMS

Sted

Øyraplassen 7, 6887 Lærdal

Om jobben

Stillingstittel
Sjukepleia/paramedic Sogn LMS
Type ansettelse
Fast, deltid 23%
Antall stillinger
1
Arbeidsspråk
Norsk

Søk på jobben

Søk senest søndag 19. juli

I Lærdal bur det berre rundt 2 200 menneske, men jammen skjer det mykje her! Gjennom året byr me på store marknader, musikkfestival, matfestival, gytefestival (den må du nesten berre googla), varierte konsertar, motbakkeløp, terrengløp, fotballcup med gamle stjerner, vårfest – og mykje meir.Me er omkransa av majestetiske fjell og har eit rikt utval av fantastiske turmoglegheiter, både til fots og på ski. Her finn du også ei mengd fiskevatn og gode jaktmoglegheiter. Sentrum er koseleg og sjarmerande, med gamle trehus som strekkjer seg heilt ned til fjorden. I den grøderike dalen dyrkar dyktige bønder poteter, grønsaker, bær og frukt i rikeleg monn.Kommunen vår ligg faktisk svært sentralt til: Det tek om lag tre timar å køyra til Bergen og fire timar til Oslo. I tillegg ligg både «bygdebyen» Sogndal og turistmagneten Aurland berre ein dryg halvtime unna. Og ja – me har eige lokalsjukehus.Sogn lokalmedisinske senter (Sogn LMS) har no ledig ei 23,5 % fast stilling som sjukepleiar/paramedic i rein helgestilling. Arbeidstida består av langvakter på 12 timar, med arbeid kvar fjerde helg. Dette inneber at du får ein relativt høg stillingsprosent, sjølv om du jobbar berre èi helg i månaden. Stillinga eignar seg godt som supplerande inntekt til anna jobb, eller i kombinasjon med studiar.

Sogn LMS har ansvar for legevaktsformidling (legevaktstelefon) for kommunane i Sogn (Vik, Sogndal, Luster, Årdal, Aurland og Lærdal). Me er òg legevakt for kommunane i indre Sogn (Aurland, Årdal og Lærdal).

Me ser etter deg som
  • har norsk autorisasjon som sjukepleiar/paramedic
  • har kurs i akuttmedisin og vald og overgrep for sjukepleiarar på legevaktssentral (tilbod om kurs ved tilsetjing om du ikkje har dette frå før)
  • har gode norskkunnskapar og evne til å formidla godt
  • har gode IKT-kunnskapar
  • har dei rette personlege eigenskapane som trengs for stillinga
Arbeidsoppgåver som ligg til stillinga:
  • Legevaktsoperatør for kommunane i Sogn
  • Bistå vakthavande lege ved blodprøvetaking, EKG, suturering, sårstell m.m.
  • Rettleia pasientar og innringarar via telefon og videokonsultasjon
Me tilbyr:
  • Løn i tråd med hovudtariffavtalen i KS.
  • Gode pensjonsordningar gjennom medlemskap i KLP.
  • Gode personforsikringar som ein del av tilsettingsforholdet.
  • Eit godt og inkluderande fagmiljø med dyktige, kjekke og engasjerte kollegaer.
  • Gode moglegheiter for fagleg utvikling og kompetanseheving.
Det kan nemast at Lærdal kommune mellom anna har:
  • Full barnehagedekning
  • Gratis fulltids-SFO for 1. -og 2.klassingar, gratis deltids-SFO for 3.klasse
  • Gratis kommunale bustadtomter rett ved Borgund sentrum
  • Eit variert kommunalt kulturprogram i tillegg til alt det andre som skjer i bygda
Les meir om Lærdal ved å klikka på denne lenkja

Me ønskjer eit arbeidsmiljø prega av mangfald, og at dei tilsette hjå oss skal spegla samansetjinga i resten av befolkninga. Me oppmodar alle kvalifiserte søkjarar til å søkja stilling hjå oss, uavhengig av alder, funksjonsevne, kjønn eller minoritetsbakgrunn. Me legg til rette for arbeidsforholda dersom du har behov for det.

Etter at søknadsfristen har gått ut, vert det sett opp ei offentleg søkjarliste. Lista inneheld namn, alder, stilling eller yrkestittel, samt bustads- eller arbeidskommune for kvar søkjar. Det kan gjerast unntak frå innsyn i opplysningar om ein søkjar dersom vedkomande sjølv ber om det. Opplysningar om ein søkjar kan likevel verta offentlege sjølv om søkjaren har bede om å ikkje stå oppført på søkjarlista. Dersom anmodninga ikkje vert teken til følgje, vil søkjaren verta varsla om dette.


Link til søknadsskjema: Søk her

Kontaktperson for stillingen

Jonatan Nesset

+47 41501751

jonatan.nesset@laerdal.kommune.no

Om bedriften

I Lærdal kan du leva det gode liv saman med 2 200 andre lærdøler. Vår vakre bygd inst i Sognefjorden ligg midt mellom Oslo og Bergen . Store fjell- og utmarksområde byr på eit aktivt friluftsliv. Lærdal er ei kulturbygd med ein rik kulturarv. Vi kan nemne Borgund stavkyrkje, dei historiske vegane og gamle Lærdalsøyri.

Sektor

Offentlig

Del annonsen

Annonsedata

Rapporter annonse
Stillingsnummer

3c11ae83-8054-417d-a9ac-6ff1f3140e25

Sist endret

23. juni 2026

Hentet fra

visma-easycruit

Referanse

3640579_228183_nn

Lignende annonser

Laster lignende annonser