Kjøkkenvert 35 % fast

Ynskjer du å vera ein del av framtidas eldreomsorg? Me søkjer etter ein ny kjøkkenvert som vil vera med på å utvikle dagens og framtidas sjukeheimsteneste til bebuarane våre på Vinje sjukeheim. Stillinga er per i dag på dagtid, med arbeid kvar tredje helg.

Sjukeheimen består av:

• Korttid/rehabilitering: 9 plassar, der 2 av plassane er KAD-plassar
• Avdeling tilpassa personar med demens: 13 plassar, fordelt på to grupper
• Somatisk langtidsavdeling: 12 plassar

Vinje sjukeheim ynskjer å ha større fokus på å ivareta kvar enkelt bebuar sine interesser og behov. Me er opptatt av å ivareta pårørande som ein viktig ressurs for bebuarane, og deltek for tida i eit prosjekt knytt til heilskapleg pårørandestøtte. Som tilsett hjå oss er du ein del av eit tverrfagleg team, som saman jobbar mot det beste for kvar enkelt bebuar.

Frå januar 2025 nyttar me årsturnus, slik at du som tilsett har større moglegheit til å påverke din eigen turnus, og for å planleggje fritida for heile året. 

Me har eit hovudkjøkken som tilbereder middag for sjukeheimen, andre instutisjonar og heimebuande.

Arbeidsoppgåver

• Bestille mat i dataprogrammet Mathilda
• Bestille og legge til rette for individuell tilpassa mat
• Hente varer frå hovudkjøkken til postkjøkken
• Varme opp og servere måltid, samt hjelpe enkeltpasientar under måltida
• Utføre internkontroll for mattryggleik
• Oppvask og reinhald på postkjøkken
• Skape trivsel i fellesområde, og kunne leggje til rette for enkle aktivitetar
  

Kvalifikasjonar

• Det er ynskjeleg med erfaring frå liknande arbeid
• Gode munnlege og skriftlege norskferdigheiter
• Me forventar at du tilegnar deg dei rutinene som fylgjer med arbeidet
  

Personlege eigenskapar

• Du har evne til å skape gode relasjonar og tillit
• Du har motivasjon og engasjement i arbeid med eldre
• Du har interesse for mat og næringsrikt kosthald tilpassa brukargruppa
• Du har godt humør og bidrar positivt i arbeidsmiljøet
• Du har evne til å skape gode måltidsopplevingar for bebuarane 
• Du er lærevillig og serviceinnstilt
• Du kan samarbeide med helsepersonell og har forståing for bebuarane sine behov
• Du kan arbeide sjølvstendig
• Du er ansvarsbevisst

Me legg vekt på personlege eigenskapar ved tilsetjing

Me tilbyr

• Fagleg oppdaterte og dyktige kollegaer
• Betalt matpause
• Løn etter ansiennitet i lokal stige frå 419.900 til 541.100 eller ved fagbrev 470.800 - 599.300
• Moglegheit til å påverke din eigen turnus. Me nyttar årsturnus
• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar
  

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Arbeidsstad

Nøkkelinformasjon: