Direktør Kulturdirektoratet

Om stillinga

Kulturdirektoratet er ei statleg verksemd som har heile landet som verkeområde. Direktoratet er sekretariat for dei kollegiale organa som styrer Norsk kulturfond, Fond for lyd og bilete og Statens kunstnarstipend, og forvaltar ei rekkje oppgåver på vegne av Kultur- og likestillingsdepartementet. Direktøren er verksemda si øvste leiar.

Arbeidsoppgåver

• Leie verksemda administrativt, økonomisk og fagleg innanfor dei rammene og fullmaktene Kultur- og likestillingsdepartementet gir.
• Utvikle verksemda og organisere arbeidet på føremålstenleg måte.
• Sørge for naudsynt digitalisering og effektivisering som bidreg til god måloppnåing.  
• Bygge gode relasjonar til kultursektoren og vere ein synleg aktør nasjonalt.  
• Vidareutvikle Kulturdirektoratet som statleg forvaltningsorgan.

Kvalifikasjonar

For å lukkast i rolla bør du ha solid leiarerfaring med dokumenterte resultat, god rolleforståing og inngåande kjennskap til politiske og forvaltningsmessige prosessar. Kjennskap til kultursektoren er ein fordel. Du har evne til strategisk planlegging og til å gjennomføre og motivere for endringar, omstilling, effektivisering og digitalisering. Du har relevant utdanning på høgare nivå. Vidare har du gode kommunikasjons- og samarbeidsevner, både internt og eksternt.

Personlege eigenskapar vil bli vektlagde. 

Den som blir tilsett i stillinga må kunna klarerast for tilgang til informasjon gradert HEMMELIG etter sikkerhetsloven.

Vi tilbyr

Vi tilbyr eit sterkt fagmiljø med kunnskapsrike medarbeidarar og utfordrande oppgåver der du får høve til å samhandle tett med kultursektoren og påverke kulturområdet i Noreg.  

Direktøren blir tilsett på åremål for seks år, med mogleg fornying etter offentleg utlysing.

Inkluderande arbeidsliv

Den statlege arbeidsstyrken skal i størst mogleg grad spegle mangfaldet i samfunnet. Det er derfor eit personalpolitisk mål å få til ei balansert samansetjing av tilsette på tvers av alder og kjønn, og å rekruttere personar med innvandrarbakgrunn, nedsett funksjonsevne og personar som har stått utanfor arbeid og utdanning i ein lengre periode. Opplysningar om dette kan bli brukt til registerformål. 

Offentleg søkjarliste

Alle førespurnader vert handsama konfidensielt, om ønskjeleg òg overfor oppdragsgjevar i ein innleiande fase. Kulturdirektoratet er omfatta av føresegnene i offentleglova om rett til innsyn i søkjarlista. Søkjar må grunngje eventuelt ønskje om unntak. Dersom unntak ikkje vert teke til følgje, vil søkjaren bli varsla og få høve til å trekkje søknaden sin.

Kontakt

Interessert? Ta kontakt med Visindi ved Tonje Støver Knutsen på tlf. 477 10 6111, Atle Ronglan på tlf. 966 27 089 eller Magne Amundsen på tlf. 916 56 101. Søknad og CV skal sendast snarast og seinast innan 1. september 2025.