Vi ser fram til å få tre nye lærlingar i barne- og ungdomsarbeidarfaget frå august 2025. Vi har fokus på å leggje til rette for at du skal få ei god læretid, og skape interesse og engasjement for yrket. Som lærling i Fjaler vil du ha variert praksis i ein av barnehagane og i ein av skulane våre, og vil bli følgt opp av fagleg leiar, i tillegg til oppfølging frå instruktørar.

Arbeidsoppgåver

• Planlegging, leiing, gjennomføring og evaluering av pedagogiske aktivitetar for barn og unge
• Tilrettelegging for leik og fysisk aktivitet med utgangspunkt i den einskilde sitt funksjonsnivå og livssituasjon
• Nytte forming, song, leik, musikk, litteratur og drama i det daglege arbeid
• Føring av opplæringsbok

Kvalifikasjonar

• Bestått VG1 Helse- og oppvekstfag, dokumentasjon for fullført og bestått VG2 Barne- og ungdomsarbeidarfag eller tilsvarande må leggast fram før signering av lærekontrakt
• Må kommunisere godt på norsk både munnleg og skriftleg
• Den som vert tilsett må legge fram godkjend politi- og tuberkulinattest før tiltreding

Personlege eigenskapar

• Har godt samspel med barn og vaksne
• Kan arbeide sjølvstendig og har gode samarbeidsevner
• Evner å arbeide løysingsorientert i eit travelt miljø og samtidig ha eit godt humør

Vi tilbyr

• Lærekontrakt og opplæringskontrakt
• Mellombels tilsetting i Fjaler kommune som lærling/lærekandidat i 2 år
• Løn under utdanning
• Trivelege arbeidsplassar med godt læringsmiljø
• Leiarar med fagleg/pedagogisk bakgrunn, dyktige instruktørar og rettleiarar

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.

Send oss ein søknad eller ta kontakt om du har spørsmål. Vi ser fram til å høyre i frå deg.