100 % fast stilling som brannførebyggar/feiar

Voss brannvern er ei underavdeling av tekniske tenester i Voss herad.

Brannvernet er organisert med førebyggjande avdeling og beredskapsavdeling. Det er brannstasjonar på Voss, Evanger, Vossestrand og Granvin. Voss herad har også vertskommunesamarbeid om brann- og redningstenester med Eidfjord kommune og Ulvik herad.

Det er ledig 100 % fast stilling som brannførebyggar/feiar. Det er eit krav at den som vert tilsett skal inngå i deltidsmannskapet/utrykkingsstyrken når dette vert ledig.

Arbeidsoppgåver

• gjennomføra risikobasert feiing og tilsyn med fyringsanlegg i bustader og fritidsbustader
• motivasjons- og informasjonstiltak innan brannførebygging
• førebyggjande arbeid med risikoutsette grupper
• arbeid med HMS og internkontroll
• undervisning for kommunale og private verksemder
• andre oppgåver kan verte lagt til stillinga

Kvalifikasjonar

• kvalifikasjonar for personell med oppgåver innanfor feiing og tilsyn i samsvar med § 38 i brann- og redningsvesenforskrifta
• kandidatar med relevant utdanning/praksis vil verte vurdert, ein må då pårekna å ta fagutdanning i eit løp som praksiskandidat etter tilsetjing
• førarkort klasse B
• det vil verta lagt vekt på erfaring frå brannførebyggjande arbeid
• god framstillingsevne både skriftleg og munnleg

Som fylgje av deltaking i beredskapsstyrken må det før tilsetjing leggjast fram godkjend helseattest for røykdykkar, kl. C og utrykkingskøyretøy. Søkjaren må også bestå brannvernet sine testar. Du må ha førarkort klasse BE og C, eller for eigen kostnad vere viljug til å ta kl. BE og C seinast 12 månader etter tilsetjing. Vedkommande må også bu i nærleiken til brannstasjonen på Voss.

• evne til gjennomføring samt god samarbeidsevne
• du må også kunne bidra positivt i eige arbeidsmiljø

Me tilbyr

• gode vilkår for fagleg utvikling
• ny brannstasjon frå 2025
• eit godt tverrfagleg og sosialt miljø
• gode forsikrings- og pensjonsordningar
• løn etter kommunalt avtaleverk og elles tilsetjing på vanlege kommunale vilkår

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. 

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver venleg og last opp vitnemål og attestar til søknaden