Psykologspesialist til FACT allmenn-team

Vil du vere med og forme framtidas psykiske helsetenester i Bergen? Då vil vi gjerne høyre frå deg!

Kronstad distriktspsykiatriske senter (DPS) held til i moderne lokale sentralt på Danmarksplass, og har ansvar for bydelane Bergenhus, Årstad og Ytrebygda. Vi er eit DPS i kontinuerleg utvikling, med sterk vilje til å tilpasse oss behova i befolkninga. Allereie har vi eit robust og veletablert FACT psykose-team, og er no godt i gang med å byggje opp eit FACT allmenn-team i tett samarbeid med Bergen kommune.

FACT allmenn-teamet er det første av sitt slag i vår region, og skal tilby eit heilskapleg og fleksibelt behandlingstilbod til personar med alvorlege psykiske lidingar og samansette behov – som ikkje får tilstrekkeleg hjelp gjennom dei eksisterande tenestene. Her får du høve til å bidra til eit meir inkluderande og tilgjengeleg behandlingstilbod for ei gruppe som ofte fell mellom stolane. Teamet er framleis i ein prosjekt- og oppstartsfase, og det er gode moglegheiter for deg som søkjer å vere med og påverke både fagleg retning og vidare utvikling.

Samarbeidet mellom Kronstad DPS og Bergen kommune er organisert som eit 50/50-prosjekt, med finansiering frå Statsforvaltaren. Teamet består av tilsette frå både spesialist- og kommunehelsetenesta, og arbeider etter FACT-modellen (Flexible Assertive Community Treatment) – ein fleksibel, aktiv og oppsøkjande tilnærming til behandling. Målet er å tilby både poliklinisk og oppsøkjande behandling, og å kunne intensivere oppfølginga i kritiske fasar for å førebyggje kriser og innleggelse.

Arbeidsoppgåver

• Bidra aktivt i arbeidet med å utvikle fagleg profil og behandlingsfilosofi i tråd med prosjektbeskrivinga
• Ha spesialistansvar for pasientar i teamet, inkludert utgreiing, diagnostisering og behandling
• Utføre poliklinisk og ambulant, oppsøkjande behandling og rehabiliteringsarbeid for vaksne med alvorleg psykisk liding
• Delta i tverrfagleg teamarbeid etter prinsippa i FACT-modellen
• Gje rettleiing til og samarbeide med det lokale hjelpeapparatet, samt bidra med undervisning og nettverksarbeid
• Samhandle tett med kommunale tenester og spesialisthelsetenesta
• Bidra i rettleiing av studentar og legar/psykologar i spesialisering, som ein del av universitetssjukehuset sitt utdanningsansvar
• Samarbeide med andre delar av behandlingsapparatet, både internt og eksternt, inkludert pårørande og instansar som NAV, skule og arbeidsgivar

Kvalifikasjonar

• Ønskjeleg med spesialisering i klinisk psykologi, men også psykologar utan spesialisering kan søkje
• Brei klinisk erfaring frå psykiatri og/eller rusfeltet, og arbeid med målgruppa i spesialisthelsetenesta og/eller det kommunale tenesteapparatet
• Norsk autorisasjon
• Erfaring med allmennpsykiatrisk og poliklinisk pasientpopulasjon er ein fordel
• Erfaring med akuttarbeid, krisehandtering og komplekse problemstillingar
• Førarkort klasse B er eit krav
• Må meistre norsk godt, både munnleg og skriftleg
• For psykologar utan spesialisering vil det kunne leggjast til rette for vidareutdanning og spesialisering.

Personlege eigenskapar

• Du er fleksibel, initiativrik og engasjert i arbeidet med pasientar som har alvorlege psykiske lidingar
• Du er løysingsorientert og taklar stressande situasjonar med tryggleik, ro og fagleg tilnærming
• Du har evne til å både ta imot og gje tilbakemeldingar, til dømes gjennom kollegarettleiing
• Du har gode evner til kontaktetablering, er tolmodig og jobbar målretta og strukturert
• Du bidreg til eit godt arbeidsmiljø, og viser omsorg både for deg sjølv og for kollegaer
• Du har gode kommunikasjons- og samarbeidsevner
• Du trivst med å jobbe både sjølvstendig og i team – det tverrfaglege samarbeidet i FACT-modellen krev at du likar ein variert og dynamisk arbeidshverdag
• Vi verdset openheit, respekt og fagleg nysgjerrigheit – og ønskjer oss kollegaer som bidreg til eit inkluderande og utviklingsorientert arbeidsmiljø
• Personleg eignaheit vert vektlagt, særleg evne til å handtere høgt tempo og stress, samt vilje til endring knytt til arbeidsoppgåver og tenestemottakarar

Vi tilbyr

• Eit spennande og engasjert arbeidsmiljø med store faglege ambisjonar
• Gode høve til personleg og fagleg utvikling, inkludert rettleiing og kompetanseheving
• Moglegheit til å vere med og forme eit nytt behandlingstilbod i vår region
• Utfordrande og varierte arbeidsoppgåver, og tilgang til verktøy og støtte for å meistre dei
• Tverrfagleg samarbeid med høg grad av fagleg refleksjon og utvikling
• Ein arbeidsplass med fokus på kvalitet, tryggleik og kontinuerleg forbetring
• Gode pensjons- og forsikringsordningar
• Løn etter gjeldande overeinskomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Maria Mowé, Prosjektleiar/ psykologspesialist, 40605682, maria.mowe@helse-bergen.no
Stig-Arthur Didriksen, Ass. klinikkdirektør, 97951855, sdid@helse-bergen.no
Alf Georg Opheim Sørensen, Klinikkdirektør, 90546220

Arbeidsstad

Fjøsangerveien 36
5053 Bergen

Nøkkelinformasjon:

Arbeidsgivar: Helse Bergen HF

Referansenr.: 5012045193
Stillingsprosent: 100%
Fast
Søknadsfrist: 12.10.2025