Ph.d.-stipendiat i fjernmåling og maskinlæring

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/M5n6RnScNgA

Ph.d.-stipendiat i fjernmåling og maskinlæring

Det er ledig ei stilling som stipendiat i fjernmåling og maskinlæring ved Institutt for geovitenskap og Bjerknessenteret for klimaforsking, Universitetet i Bergen. Stillinga er for ein åremålsperiode på tre år, med høve til eit fjerde år som består av karrierefremmande arbeid (til dømes undervisning). Stillinga er knytt til Senter for fjell i endring, eit nytt tverrfagleg forskingssenter ved Universitetet i Bergen finansiert av Trond Mohn Forskningsstiftelse (TMF) og Universitetet i Bergen.

Om prosjektet/arbeidsoppgåver:

Senter for fjell i endring har som mål å forstå og møte konsekvensane av klima- og miljøendringar i fjellområde. Med hovudfokus på dei skandinaviske fjella, samlar senteret klimaforsking, økologi, hydrologi, geovitskap og samfunnsvitskap for å utforske korleis fjellsystem endrar seg – og korleis vi kan byggje motstandskraft for framtida. Fjell er sårbare for globale endringar. Auka temperaturar, smeltande isbrear, endringar i nedbør og snømønster, endra biologisk mangfald og aukande menneskeleg påverknad er i ferd med å forvandle desse landskapa. Senteret har som mål å utvikle banebrytande kunnskap og praktiske løysingar for å verne fjelløkosystem og lokalsamfunn som er avhengige av dei. Gjennom fire samankopla forskingstema – Trendar, Sesongvariasjon, Ekstremhendingar og Motstandskraft – undersøkjer senteret langsiktige miljøendringar, sesongdynamikk, ekstreme hendingar og strategiar for berekraftig forvaltning av fjellområde. Senteret samarbeider tett med interessentar, inkludert nasjonalparkar, lokalsamfunn og næringslivspartnarar, for å sikre at forskinga er relevant, handlingsretta og har verknad. Universitetet i Bergen er vertsinstitusjon for Senter for fjell i endring i samarbeid med NORCE, NMBU og andre nasjonale og internasjonale partnarar.

 

Ph.d.-prosjektet vil fokusere på å integrere avanserte fotogrammetriske teknikkar brukt på historiske flyfoto med moderne bileteklassifisering basert på maskin læring. Målet er å kvantifisere landskapsendringar over tiårsskalaer, med særleg vekt på Vestlandet. Relevante endringar for studiet inkluderer tilbaketrekking eller framrykking av brear og iskappar som del av ein endra kryosfære, samt endringar i vegetasjonsdekke og utviklinga av fjelløkosystem i møte med klimaendringar og skiftande arealbruk i tradisjonelle kulturlandskap i regionen. Ved å nytte både historiske datasett og moderne satellittdata – både optiske og radarbaserte – har prosjektet som mål å gi ei omfattande forståing av geomorfologiske og økologiske dynamikkar. Det vil vere moglegheiter for tverrfagleg samarbeid med andre ph.d.-stipendiatar innan senteret langs ein regional gradient på Vestlandet. 

 

Ein sentral komponent i forskinga vil vere integrering av fjernmålingsdata for å vurdere og klassifisere aktivitetsnivået i ulike nedbørsfelt. Dette arbeidet vil støtte og vidareutvikle pågåande paleo-miljørekonstruksjonar, særleg dei som er basert på analyser av innsjøsediment utført av andre forskarar innan senteret. Den som får stillinga vil bli ein del av eit tverrfagleg rettleiingsteam med ekspertise frå Institutt for geovitskap, Institutt for biovitskap og Geofysisk institutt ved Universitetet i Bergen. Prosjektet har òg tett samarbeid med nasjonale offentlege etatar, som Kartverket og Noregs vassdrags- og energidirektorat (NVE), og tilbyr eit rikt og støttande forskingsmiljø med tilgang til høgkvalitetsdata og anvend kunnskap.

 Kvalifikasjonar og eigenskapar:

• Søkarar må ha oppnådd mastergrad eller tilsvarande utdanning innan geovitskap, geografi, geofag, informatikk eller eit relevant fagområde. Masterstudentar kan søkje dersom dei fullfører den endelege mastereksamen innan 01.01.2026. Det er ein føresetnad at mastergraden er oppnådd før tilsetjing kan skje.
• Erfaring med fjernmåling eller geodata er eit krav.
• Gode programmeringsferdigheiter knytt til geodata, som satellittdata, er eit krav.
• Erfaring med maskinlæring brukt på geodata er ein fordel.
• Søkjarar må kunne arbeide sjølvstendig og strukturert, og vise gode samarbeidsevner.
• Søkjarar må ha gode skriftlege og munnlege engelskkunnskapar.

Personlege og mellommenneskelege eigenskapar vil bli lagt vekt på. Ambisjonar og potensial vil også telje ved vurdering av kandidatane.

Særeigne krav for stillinga

UiB er underlagd regelverket for eksportkontroll og regelverket gjeld ved behandling av søknadar til stillinga. 

For stillinga gjeldt følgande:

Om stillinga som ph.d.-stipendiat

Stipendperioden er på 3 år, med opning for eit 4. år avhengig av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing. Dersom eit 4. år blir bestemt, vil éitt årsverk som består av karrierefremmande arbeid knytt til undervisning, formidling og forskingsinfrastruktur/tenester, bli fordelt over den samla tilsetjingsperioden og slik tilsvare 25 % av tida kvart år.

Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.

 

Om forskarutdanninga

Som ph.d. stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Fakultet for naturvitenskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.

Vi kan tilby:

• eit godt og fagleg stimulerande arbeidsmiljø
• løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 568 700. Vidare opprykk skjer etter stillingsansiennitet.
• medlemskap i Statens pensjonskasse
• gode velferdsordningar

Søknaden skal innehalde:

• ei kort utgreiing om motivasjonen for å søkje stillinga (maks 1 side)
• namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve. 
• CV
• karakterutskrifter og vitnemål for bachelor- og mastergrad. Dersom du enno ikkje har fullført mastergraden din, må du sende inn ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål innan tilsetjing.
• relevante attestar
• godkjend dokumentasjon på at du oppfyller krav til engelskkunnskapar (dersom påkravd, jfr. Krav til engelskkunnskaper ved opptak til ph.d.-programmet)
• eventuell liste over vitskaplege arbeid (publikasjonsliste)

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.

Generell informasjon:

Utfyllande opplysningar om stillinga kan ein få ved å vende seg til førsteamanuensis Benjamin Aubrey Robson, Institutt for geovitenskap, Benjamin.Robson@uib.no / +47 55589282.

For HR-relaterte spørsmål ta kontakt med rådgjevar Mathilde Høgalmen mathilde.hogalmen@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.       

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5