Vil du gjere ei viktig samfunnsoppgåve - Kyrkjegardsarbeidar

Er du glad i å arbeide, fleksibel og løysingsorientert? Hjå oss kan du utføre ei viktig samfunnsoppgåve. Dette er ei heilt avgjerande stilling for alle i lokalsamfunnet.

Kinn kyrkjelege fellesråd har ledig ei fast stilling som kyrkjegardsarbeidar i 100 prosent, med oppstart snarast.

Kinn kyrkjelege fellesråd er lokal gravplasstyresmakt i Kinn kommune. I Kinn sør har vi tolv gravplassar, og det er desse du primært vil få i oppgåve å arbeide med. I Kinn nord har vi sju offentlege kyrkjegardar og ein privat. Kinn kyrkjelege fellesråd har i tillegg ansvar for sju kyrkjer, og vedlikehald eller anna relevant arbeid ved desse kan famne inn under stillinga. Vi har eit stort ynske om at våre tilsette kan utføre fleire oppgåver og vere fleksible, soleis at vi best mogleg kan utføre samfunnsoppdraget vårt med dei ressursane vi har.

Oppgåver som naturleg ligg til stillinga:

Halde orden og system på gravplassane

Hjelpe til ved gravferder

Opning og lukking av graver

Urnenedsetjingar

Bruk av maskiner og lastebil

Vedlikehald av gravplassane, inkludert bygg

Vedlikehaldsarbeid på kyrkjene

Registrering av graver og gravsteinar

Rydding av snø

Tømming av avfall

Vedlikehald og oppretting av private gravminne kan kome til ved kapasitet

Gravstell

Andre oppgåver delegert frå kyrkjeverja

Dette ser vi etter

Kan arbeide sjølvstendig

Fleksibel og løysingsorientert

Gode samarbeidsevner

Må kunne gjere seg forstått på skandinavisk

Evne til å prioritere det viktige

Bør kunne eller må lære å grave med gravemaskin

Må ha sertifikat for personbil B

Bør ha sertifikat for lastebil C og maskinførarbevis

Røynsle frå kyrkjegardsarbeid vil vere positivt

Vi vil leggje avgjerande vekt på at søkjar er eigna til stillinga. Ingen krav til utdanning. Løn etter kyrkjeleg tariff. Pensjonsordning i KLP. Søkjarlista er offentleg.

Arbeidet vil utvikle seg etter tilhøva og det fellesrådet treng.

Dersom du har spørsmål til stillinga, kontakt kyrkjeverja i Kinn, Dag Henrik Nygård. Kontor 481 00 481 -- mobil 466 455 75. Send søknad til kyrkja@kinn.kommune.no, eller lever på kyrkjekontoret i Florø, Markegata 28. Søknadsfrist 29. oktober 2025.