Jobbspesialist IPS

Ynskjer du å gjer ein skilnad for unge mennesker? Bankar hjartet ditt litt ekstra for dei som står utanfor? Har du trua på at det finst ein jobb for alle?

Trivst du med kontakt med arbeidsgjevarar i alle slags bransjar? Kan du kunsten med å vere ein brubyggar?

Mange spørsmål, og det verkar kanskje til at vi leiter etter ein superhelt - og det gjer vi faktisk.

 

For ein IPS jobbspesialist er ein kvardagshelt med usynleg kappe og no treng vi ein vikar (med moglegheit for fast tilsetjing) inn i vårt IPS-team i Nav Sunnfjord og Ytre Sogn. 

Som IPS jobbspesialist jobbar du med individuell jobbstøtte for personar med psykiske helseutfordringar og/eller rusproblem. Metodikken byggar på eit forpliktande samarbeid mellom helseteneste og Nav. Som IPS-jobbspesialist jobbar du difor saman med behandlarar og arbeidsgjevarar for at kandidatane skal lukkast i arbeidslivet.

Målet? Hjelpe kandidaten å kome i arbeid eller utdanning.

Enkelt? Langt i frå, men hadde det vore enkelt, hadde jo alle gjort det. Vi lukkast fordi ein er ein del av eit team som følgjer ein metodikk som fungerer i praksis. 

Som jobbspesialist samarbeidar du tett med både Nav, helseteneste og arbeidsgjevarar. Kontorplassen din er på Førde sentralsjukehus, ved Psykiatrisk poliklinikk DPS Førde. Likevel vil du mesteparten av tida di vere ute i næringslivet (ja, vi snakkar over 60 % av tida) saman med eller for kandidat - så det er ein stor fordel om du likar varierte arbeidsdagar.

Kan det vere at du er den modige superhelten vi leiter etter? 

Arbeidsoppgåver

Ein IPS jobbspesialist samhandlar mykje; med ungdommen sjølv, behandlarteam, skule, Nav og arbeidsgjevarar og næringsliv. 

Rolla di  inneber at du skal: 

• Følgje opp inntil 20 ungdommar i alderen 16-30 år
• Identifisere ungdommen sine interesser, ferdigheiter og ressursar samt legge ein plan for vidare skule eller arbeid
• Følgje ungdommen so lenge ungdommen og arbeidsgjevar har behov for det

For å følgje opp etter metodikken vil du difor nytte mesteparten av tida di ute i næringslivet/lokalmiljøet for å oppsøke skule/studiestad, bedrift og bygge nettverk med desse .

Kort fortalt kjem du til å dagleg: 

• Oppsøke og etablere kontakt med lokale bedrifter 
• Skape dialog og bygge nettverk med arbeidsgjevarar
• Matche deltakere med relevante jobbar basert på deira ønskjer og kompetanse
• Delta i møter saman med mellom anna behandlere for å koordinere innsatsen kring ungdommen
• Dokumentere kontakten med arbeidsgjevarar og ungdommen

Kvalifikasjonar

Du må ha:  

• Utdanning på bachelornivå frå universitet eller høgskule. Relevant utdanning og/eller erfaring kan kompensere for utdanningskravet. 
  
• Relasjonskompetanse og erfaring frå å arbeide med mennesker 
• Førarkort klasse B

Det er ein fordel om du og har:  

• Gode digitale ferdigheiter  
• Erfaring frå arbeid med ungdom
• Erfaring med oppsøkande kundekontakt og nettverksbygging   
• Erfaring frå samhandling med arbeidsgjevarar og god kjennskap til den lokale arbeidsmarknaden
• Erfaring med å registrere og dokumentere arbeidet ditt

Personlege eigenskapar

Kvar enkelt jobbspesialist er heilt unik og vi har difor ingen fasit på kven vi ser etter. Likevel veit vi at ein kjem langt med ein eller fleire av dei følgande eigenskapane for å kunne trivast i jobben: 

• Du ser moglegheiter både på kort og lang sikt (også kalla løysningsorientert) kor kanskje ingen andre, til no, har sett dei
• Du jobbar metodisk, er sjølvgåande og resultatorientert, med fokus på kvalitet
• Du har trua på at alle – uansett utfordringar – kan nytte sine ressursar i arbeidslivet

Vi tilbyr

I tillegg til løn kan vi lokke med:

• Eit sterkt fagleg og engasjert kollegium med skikkeleg flinke kollegaer
• Fleksibel arbeidstid og mogelegheit for trening i arbeidstida
• Stor påverknad på din eigen arbeidsdag
• Rettleiing og fagleg oppfølging frå metoderettleiar; dette gjer deg og teamet best mogeleg
• Meiningsfulle og utfordrande arbeidsoppgåver, sånn heilt på ekte
• Ein kjekk måte å bli kjent med næringslivet i region Sunnfjord
• Eit spennande vikariat, som kan bli til fast tilsetjing
• Lønnsrammene er stilling som 1434 rådgiver med årsløn frå kr. 590.000 til kr. 640.000, avhengig av kompetanse og ansiennitet. For særs kvalifiserte søkarar kan noko høgare lønn vurderast.  
• Medlemskap i Statens Pensjonskasse (SPK) med gode pensjons-, låne- og forsikringsordningar

Les meir om Nav som arbeidsgivar

Kontaktinformasjon

Bente Senneset Skilbrei, Fungerande avdelingsleiar, 95701358, bente.senneset.skilbrei@nav.no
Nina Marie Hjelmeland, Metodeveileder, 41530661, Nina.Marie.Hjelmeland@nav.no

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: NAV

Referansenr.: 5017468925
Stillingsprosent: 100%
Vikar
Startdato: 01.12.2025
Sluttdato: 31.12.2026
Søknadsfrist: 12.10.2025