KI-utviklar

Vi søker etter deg som vil vere med å forme korleis vi bruker kunstig intelligens

Vi treng løysingar som frigjer tid og forenklar kvardagen for tilsette og innbyggarar. Vi ønsker å utvikle sikre og enkle løysingar som gir meir rom for faglege vurderingar og betre samhandling. Du deltek i alle utviklingsfasar frå behovskartlegging til utvikling, testing, implementering og oppfølging. Stillinga har ei viktig rolle med å skape samanheng mellom brukaren og organisasjonen sine behov og krav, og løysingane som skal møte desse.

Stillinga ligg til Stab for organisasjon og tenesteutvikling. Vi er i ferd med å reorganisere vårt digitaliseringsmiljø og søker derfor etter fleire som kan bidra til å styrke dette fagmiljøet. Avdelinga har arbeidsplassar både ved fylkeshuset i Molde, Campus Kristiansund og NMK i Ålesund. Til denne stillinga ønskjer vi primært lokalisering i Molde eller Kristiansund, men med riktig kandidat kan arbeidsstad i Ålesund også vurderast.

 

Arbeidsoppgåver

Du får jobbe med

• utvikle KI-løysingar frå behov til produksjon i tett samarbeid med fagmiljøa i fylkeskommunen og utviklarmiljø i andre fylkeskommunar
• teknisk utviklingsmiljø, metodikk og verktøykjeder
• prototyping, eksperimentering og rask iterasjon
• utvikling av KI-kompetanse i organisasjonen
• korleis vi brukar kunstig intelligens i offentleg sektor til nytte for innbyggarane og samfunnet

Vi jobbar i Microsoft sitt økosystem, men ønsker i størst mogleg grad å utvikle løysingar som er teknologiuavhengige og fleksible. 

Kvalifikasjonar

* Relevant høgare utdanning som til dømes innan datavitskap, informasjonsteknologi, maskinlæring eller tilsvarande.  
* Kunnskap om utvikling og integrasjon av KI-løysingar  
* God norsk skriftleg og munnleg framstillingsevne

Vi vil elles legge vekt på at du

• forstår heile verdikjeda, frå data og modellval til integrasjon og brukaroppleving
• har kunnskap om regelverk og standardar for forsvarleg utvikling av KI-løysingar i offentleg sektor
• har evne til å omsette og formidle komplekse tema på ein enkel måte
• kan nytte og arbeide sjølvstendig med strukturerte og smidige utviklingsmetodar
• har kunnskap om automatisering og datamodellering
• er undersøkande og utfordrar etablerte rutinar og arbeidsprosessar
• samarbeider godt i team og på tvers av fag- og kompetanseområde

Vi tilbyr

• Fleksitid
• Offentleg pensjonsordning og gode forsikringsvilkår (medlemskap i KLP)
• Løn etter avtale
• Vi legg til rette for kompetanseutvikling etter behov

Kontaktinformasjon

Kristin Ålmo, Seksjonsleder tjenesteutvikling og digitalisering , 99259198
Dagfinn Grønvik, Seksjonsleder IT, 95925924
Dag Lervik, Organisasjonssjef, 95173038

Arbeidsstad

Julsundvegen 9
6412 Molde

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5034355992
Stillingsprosent: 100%
Fast
Søknadsfrist: 16.11.2025