Økonomisjef i Helse Fonna

Kvar dag blir det teke avgjerder i Helse Fonna som påverkar liv og helse for menneske på Vestlandet. Bak trygge pasientforløp og gode behandlingsresultat står òg eit sterkt økonomisk fundament – der rett bruk av ressursane gjer at fleire får den hjelpa dei treng, til rett tid.

Hos oss blir du ein nøkkelperson i arbeidet med å sikre at føretaket nyttar ressursane best mogleg. Du får leie og utvikle eit sterkt fagmiljø med ni dyktige controllarar – og bruke di innsikt til å gjere ein reell forskjell for pasientar, pårørande og samfunn.

Avdelinga for føretaksøkonomi er ein del av økonomiavdelinga, saman med lønn, rekneskap og innkjøp. Vi jobbar tett saman for å sikre god styring, og du får eit nært samarbeid med både toppleiinga og klinikkane i føretaket.

Som økonomisjef i Helse Fonna får du ansvar for å utarbeide grunnlag som støttar gode avgjerder – og du blir ein viktig sparringspartnar for leiarar og andre beslutningstakarar.

Kva går jobben ut på?

I denne rolla vil du blant anna:

• Ha personal og budsjettansvar for avdelingen
• Leie, motivere og utvikle dine medarbeidarar fagleg og personleg
• Planlegge og følge opp budsjett- og rekneskapsprosessen
• Analysere rekneskap og aktivitetar i føretaket
• Førebu saker til direktørgruppen og styret i føretaket
• Bidra til å utvikle gode rutiner og prosesser
• Gi opplæring og råd i organisasjonen
• Delta i regionalt arbeid

Kva kompetanse er viktig i denne rolla?

Du må ha:

• Høgare utdanning innan økonomi. Mastergrad er ein fordel, men relevant erfaring kan kompensere for utdanning
• Det er ein fordel om du har erfaring frå leiar- eller rådgjevarrolle
• Gode datakunnskaper

Kva ser vi etter hos deg?

Vi ser etter deg som:

• Har engasjement og tek initiativ
• Jobbar sjølvstendig og har evne til å sjå samanhenger
• Har god gjennomføring- og leveringsevne
• Ha evne til å prioritere, skape struktur og drive fram resultat
• Blir motivert av å finne løysninger og støtte andre i arbeidet ditt
• Trivst med å samarbeide med andre og bidra til eit godt arbeidsmiljø
• Kommuniserer klart og tydeleg, både munnleg og skriftleg

Kvifor skal du velje oss?

Hos oss får du:

• Ei interessant og utfordrande stilling med stort rom for fagleg og personleg utvikling
• Eit triveleg arbeidsmiljø
• Fleksibel arbeidstid
• God og livslang pensjon

Vi oppmodnar alle søkjarar til å nytte Vitnemålsportalen (www.vitnemålsportalen.no) for å laste opp sine vitnemål og karakterutskrifter. Ved å bruke Vitnemålsportalen sikrar du at kokumenta dine er verifiserte og oppdaterte. Har du teke utdanning i utlandet, må godkjenning frå UDIR/NOKUT leggjast ved søknaden. Om du ikkje finn alle dei relevante vitnemåla dine i Vitnemålsportalen, kan du laste dei opp som eigne vedlegg til søknaden.

Kontaktinformasjon

Siren Eldøy Hinderaker, HR direktør
Sølvi Apeland Rogde, Økonomi- og finansdirektør, +47 41294054

Arbeidsstad

Karmsundgata 120
5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5009604756
Stillingsprosent: 100%
Fast
Søknadsfrist: 28.09.2025