Tilkallingsvikar helsefagarbeidar natt

Vinje sjukeheim søkjer tilkallingsvikarar!

Me treng fleire vikarar til å jobbe nattevakter hjå oss. Me søkjer etter deg som kan stille opp på kort varsel, og trivast med å jobbe på natt. Du vil bli ein del av eit team på 3 personar, der den eine har oppdrag også hjå heimebuande i Åmot distrikt. 

Aktuelle kandidatar blir kontakta fortløpande. 

Vinje sjukeheim har ei langtidsavdeling og ei kortidsavdeling, med til saman 34 plassar. Langtidsavdelinga med sine 25 plassar er delt inn i tre grupper, deriblant ei skjerma avdeling for personar med demens. Kortidsavdelinga består av 9 plassar, der 2 av plassane er akuttplassar for Tokke og Vinje kommune. Ved Vinje sjukeheim skal me sørge for at innbyggjarar i Vinje med behov for heildøgnspleie, meistring og omsorg mottar eit best mogleg tilbod, og der me jobbar kontinuerleg med å auke kvaliteten i tenesta. 

Arbeidsoppgåver

• Omsorg og pleie til sjukeheimsbebuarane
• Tilsynsrundar
• Miljøtiltak ovanfor bebuarane, særleg på demensavdeling
• Praktiske oppgåver som tøytralle, vask av hjelpemiddel mm.

Kvalifikasjonar

• Du har fagbrev som helsefagarbeidar
• Du har gode munnlege- og skriftlege norskkunnskapar, tilsvarande nivå B2
• Du har førarkort klasse B

Personlege eigenskapar

• Du er påliteleg, arbeidsom og sjølvstendig
• Du er fleksibel og kan samhandle godt med bebuarar, pårørande og kollegaer
• Du har gode samarbeidsevner og er ein positiv lagspelar som bidreg til eit inkluderande arbeidsmiljø
• Du tar initiativ og ynskjer å lære
• Du har interesse for eldreomsorg
• Du snakkar og forstår norsk godt
• Du er stabil

Me legg vekt på personlege eigenskapar ved tilsetjing. 

Vi tilbyr

• Spennande og utfordrande arbeidsoppgåver
• God forsikrings- og pensjonsordning
• Løn etter ansiennitet i lokal stige med fagbrev frå 470.800 til 599.300
• Aktivitetskortordning med gåvekort, og mogelegheit for å vinne flotte premiar
  

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Arbeidsstad

Nøkkelinformasjon: