Ultralydradiograf

Avdeling for radiologi ved Sjukehuset Nordmøre og Romsdal (SNR) Hjelset har ei ledig prosjektstilling i 50% som ultralydradiograf, med varigheit i eitt år.

Arbeidet vil bestå i å utføre ultralydundersøkingar av definerte område i kroppen. Opplæring vil skje ved direkte rettleiing frå radiolog eller ultralydradiograf, og ved sjølvstudium. Det vil bli gjeve grundig opplæring i ultralyd ved oppstart. Arbeidsoppgåver vil kunne bli utvida etter opparbeiding av kompetanse. Opplæring vil primært skje på Hjelset, men noko vil også bli gjennomført i Kristiansund.

Avdeling for radiologi SNR ved akuttsjukehuset SNR Hjelset utfører MR, CT, UL, gjennomlysing, konvensjonell røntgen og mammografi. 

Vi ber om at attestar og vitnemål vert scanna og lasta opp som vedlegg til din CV/søknad.

Arbeidsoppgåver

• Utføre og beskrive ultralydundersøkingar av definerte område i kroppen
• Samarbeid med radiolog

Kvalifikasjonar

• Autorisert radiograf
• Kunne mestre ulike dataprogram i arbeidet
  

Personlege eigenskapar

• Interesse for ultralyd
• Interesse for anatomi
• Evne til å jobbe sjølvstendig og med eigenstudium
• Evne til å samarbeide, vilje og evne til omstilling og interesse for vidareutvikling
• Evne til å tenkje heilskapleg, kunne prioritere, velge bort og halde fokus
• Handlekraftig, initiativrik og sjølvstendig
• Systematisk, mål - og resultatorientert
• God munnleg og skriftleg framstillingsevne

Personleg eignaheit vert vektlagt ved tilsetjing. 

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

 

Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde og Romsdalen her.Den fargerike opera- og klippfiskbyen Kristiansund er perla på Nordmøre. Her finn du eit rikt kulturtilbod med eige operahus som har fleire oppsetjingar og konsertarrangement kvart år. Like utafor byen kan du oppdage den spektakulære Atlanterhavsvegen og fleire sjarmerande fiskevær. Byen har eigen flyplass med fleire daglege avgangar til Oslo og Bergen. Les meir om Kristiansund og Nordmøre her.

Kontaktinformasjon

Eli Iren Sildnes, Seksjonsleiar, Eli.Iren.Sildnes@helse-mr.no

Arbeidsstad

Opdølvegen 4
6450 Hjelset

Nøkkelinformasjon:

Arbeidsgivar: Helse Møre og Romsdal HF

Referansenr.: 5008877680
Stillingsprosent: 50%
Prosjekt
Søknadsfrist: 28.09.2025