Bygg hydrologifaget vidare saman med oss!

Hydrolog i Sunnfjord Geo Center

Vil du bli ein del av eit spanande selskap med vekstambisjonar? Som hydrolog hos oss vil du ha ein nøkkelrolle i å utvikle våre hydrologitenester og bidra til å gjere samfunnet tryggare, i ei tid der ein ser stadig større konsekvensar av menneskeskapte klimaendringar. Du vil jobbe med flaum, erosjon og vassdrag i eit tverrfagleg miljø på Vestlandet, og vere med på å forme framtida til Sunnfjord Geo Center.

Sunnfjord Geo Center AS opplever aukande oppdragsmengde og søker no ein hydrolog eller sivilingeniør med kompetanse innan flaum, overvatn og/eller vassdragsteknikk. Vi ser etter både nyutdanna og erfarne kandidatar som ønskjer å vere med og utvikle hydrologifaget i selskapet.

Vi har kontor i Bergen, Florø, Stavanger og Stongfjorden, og tilbyr ein fleksibel arbeidsstad.

Om stillinga

Som hydrolog hos Sunnfjord Geo Center får du ei sentral rolle i eit lite, men spanande selskap. Du vil arbeide med varierte oppdrag innan flaum- og erosjonsproblematikk, som for eksempel å utvikle flaumfarevurderingar for kritiske områder og designe sikringstiltak for erosjonsutsatte vassdrag. Du vil jobbe både sjølvstendig og i tett samarbeid med kollegaer innan geologi og geoteknikk. Stillinga gjev gode moglegheiter for eiga fagleg utvikling og for å vere med å utvikle hydrologileveransane i selskapet.

Arbeidsoppgåver

• Utarbeiding av flaumfarevurderingar i samsvar med plan og byggingslova og NVE sine retningslinjer

• Kartlegging og vurdering av erosjonsfare

• Analyse av flaumvegar og kritiske punkt i bratte bekkar og regulerte og uregulerte vassdrag

• Utgreiing og prosjektering av sikringstiltak mot flaum og erosjon

• Hydraulisk modellering

• Tverrfagleg samarbeid med andre fagmiljø i selskapet

• Bidra til vidare utvikling av hydrologiavdelinga

Ønska kvalifikasjonar

• Sivilingeniør- eller mastergrad innan hydrologi, vassdragsteknikk eller liknande, relevant fagområde

• Gode skriftlege ferdigheiter på bokmål eller nynorsk

• Kjennskap til relevant programvare, til dømes HEC-RAS, HY-8 eller MIKE

• Erfaring med hydraulisk modellering

• Erfaring med GIS

Personlege eigenskapar

• Du er fagleg engasjert og nysgjerrig

• Du er strukturert, sjølvstendig og løysingsorientert

• Du trivast med varierte oppgåver og tverrfagleg samarbeid

• Du har gode samarbeidsevner og evne til å dele kunnskap

Vi kan tilby

• Konkurransedyktig løn

• God pensjonsordning

• Stor grad av påverknad på eiga rolle og fagleg utvikling

• Varierte og spanande prosjekt over heile landet

• Moglegheit for å delta i forskingsprosjekt innan hydrologi

• Eit fagleg sterkt arbeidsmiljø

• Fleksibel arbeidsstad

• Sosiale samankomstar, turar og faglege ekskursjonar

• Støtte til karriereutvikling gjennom opplæring og mentorordningar