Høgskulelektor / førsteamanuensis i plante- og jordvitskap

Ved Høgskulen på Vestlandet (HVL) er det ledig mellombels stilling i to år som høgskulelektor / førsteamanuensis i plante- og jordvitskap ved Fakultet for teknologi, miljø- og samfunnsvitskap

Ved Høgskulen på Vestlandet (HVL) er det ledig mellombels stilling i to år som høgskulelektor / førsteamanuensis i plante- og jordvitskap ved Institutt for bygg-,miljø- og naturvitskap ved campus Sogndal. 

Ansvars- og arbeidsområde:

• Undervisning på bachelor-, master og PhD-nivå med særleg fokus på korleis klimaendringar og endra arealbruk påverkar jordbiologi og økosystema
• Arbeide med internasjonal student- og lærarmobilitet innafor natur og klima
• Utvikle FoU søknader saman med nasjonale og internasjonale partnarar knytt til forvaltning og restaurering av jordsmonn

Kvalifikasjonar:

Kriteria for tilsetjing i stilling som førsteamanuensis går fram av Forskrift til universitets- og høyskoleloven 

Krav til kvalifikasjonar:

• Doktorgrad innafor relevant fagområde for stillinga
• Undervisnings- og rettleiingserfaring på universitetsnivå
• Vitskapleg publisering i internasjonale per review tidsskrift
• Erfaring frå internasjonalt utdannings- og forskingssamarbeid
• Prosjekterfaring og erfaring med søknadskriving
• Gode faglege nettverk
• Undervisningsspråket er norsk og søkarar må meistre norsk eller eit anna skandinavisk språk.

Ønska kvalifikasjonar

• Erfaring frå utvikling og leiing av studieprogram på universitetsnivå
• Erfaring med undervisning i felt
• Kan legge til rette for at studentar kan delta idéutvikling og kunnskapsbygging
• Erfaring frå populærvitskapleg formidling av forsking
• Erfaring frå prosjekt- og problembasert læring
• Har innsikt i korleis KI kan nyttast i utdanning og forsking
   

Personlege eigenskapar:

• Er proaktiv og kan ta eigne initiativ
• Har evne til å bygge forskingsfellesskap og integrere unge forskere i forskingsprosjekt
• Liker å arbeide saman med andre
• Viser interesse for tverrfaglege problemstillingar
• Bidreg positivt til eit inkluderande og trygt arbeidsfellesskap

Utdanningsfagleg kompetanse:

For stilling som førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kvalifikasjonskrav til utdanningsfaglig basiskompetanse for ansettelse, opprykk og overgang ved HVL - Høgskulen på Vestlandet. 

Søkjarar som ved tilsetting ikkje fyller krava, må fylle dei innan to år. HVL tilbyr kurs i høgskolepedagogikk.

Korleis søke på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskapleg arbeid (inntil 15 stk)
• fullstendig publikasjonsliste
• attestar og vitnemål
• dokumentasjon på utdanningsfagleg kompetanse. For førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kvalifikasjonskrav til utdanningsfaglig basiskompetanse for ansettelse, opprykk og overgang ved HVL - Høgskulen på Vestlandet. 

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsetjingar. Om vedlegga er større enn 50 MB må dei komprimerast før opplasting, eller leggjast ved som lenkje. 

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadane blir sendt elektronisk til eit sakkunnig utval. På bakgrunn av utvalet si vurdering vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen. 

Vi tilbyr:

Gode pensjons-, forsikrings-, og låneordningar i Statens pensjonskasse

Spanande fagmiljø med moglegheiter for kompetanseheving- og utvikling

Moglegheit for trening i arbeidstida

Stillinga som førsteamanuensis/professor løna etter Statens lønsregulativ, i stillingskode 1008 - høgskulelektor /
1011 - førsteamanuensis. 

Frå løna blir det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogelg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetjing, og å rekruttere personar med minoritetsbakgrunn, nedsett funksjonsevne og hol i CV.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Høgskulen på Vestlandet er underlagt ekportkontrollforskriften. Forskriften kan komme til anvending i behandlingen av søknadane.

Kontaktperson ved Høgskulen på Vestlandet:

Assisterende institutt leder, Torgeir Opeland Røthe
E-post: Torgeir.Opeland.Rothe@hvl.no

Inkludere, utfordre og samhandle

Les meir på våre heimesider.