Helsefagarbeidar - 80% vikariat

Er du helsefagarbeidar og har lyst til å arbeide i heimetenesta på Rauland? 

Heimetenesta i Rauland har ledig eit vikariat som helsefagarbeidar i 80 % stilling for eit år, inne på Rauland omsorgssenter. Stillinga er i turnus med arbeid kvar tredje helg.

Hjå oss kan du oppleve fine pasientmøte med bebuarar på omsorgssenteret, eller hjå brukarar av heimesjukepleia ute i private heimar. I 2024 blei omsorgssenteret vårt renovert. No har me nyoppussa lokale, og gler oss over ein funksjonell og fin arbeidsplass. Me har også dagsenter to dagar i veka, med ulike tilrettelagde aktivitetar for dei som er heimebuande med kognitiv svikt.

Me ynskjer at alle som får hjelp av oss kjenner seg høyrd og ivaretatt. Arbeidsstaben vår består av mange flinke tilsette som samarbeider godt med kvarande, med brukarane og deira pårørande, og tverrfagleg med andre i ulike helseføretak. Me er stolte av det gode arbeidsmiljøet vårt og er opptatt av å kjenne kvarandre, respektere kvarandre og skape gode relasjonar.

Velkomen som søkjar hjå oss!

Arbeidsoppgåver

• Planlegge og gjennomføre grunnleggande pleie ved akutt eller kronisk sjukdom hjå menneske med sammensatte og komplekse behov 
• Sette i gang førebyggande og behandlande tiltak innan eiga ansvars- og kompetanseområde
• Bruke elektronisk pasientjournal og dokumentere forhold om pasienten og kva slags helsehjelp som vert gjeve og kvifor 
• Assistere med personlig hygiene, påkledning, forflytning og trening for å oppretthalde brukarane sine funksjonar
• Bruke tilgjengelig velferdsteknologi, som til dømes tryggingsalarmar, lokaliseringsteknologi (GPS) og elektroniske medisindispensarar 
• Miljøretta tiltak og aktivitetar 
• Utføre fyrstehjelp ved behov

Helsefagarbeidaren skal bidra i folkehelsearbeidet, ved å førebygge einsemd og bidra til god livskvalitet for pasientane og brukarane. I tillegg skal helsefagarbeidaren bidra til at pasientar og brukarar meistrar i kvardagen og legg til rette for eit aktivt liv.

Kvalifikasjonar

• Autorisasjon som helsefagarbeidar 
• Relevant erfaring innan helse kan vege opp mot kravet om autorisasjon og fagbrev, dette vurderer me særskilt
• Grunna dokumentasjonsplikt vert det stilt krav til gode skriftlege og munnlege kommunikasjonsevne på norsk, minimum nivå B2 (ved behov må dette dokumenterast) 
• Søkjarar må ha førarkort klasse B. Du må ha køyreferdigheiter til å handtere fire årstider.
  
• Lovkrav om politiattest, ikkje eldre enn 3 månadar

Personlege eigenskapar

• Du har evne til å skape gode og trygge relasjonar
• Du er initiativrik
• Du har evne til å jobbe sjølvstendig og systematisk
• Du har evne til å bidra prakstisk og fagleg i samarbeid med andre
• Du er interessert i eigen fagutvikling og likar nye utfordringar
• Du er ein positiv lagspelar som bidreg til eit godt arbeidsmiljø
• Du har engasjement, humor og kreativitet
• Personleg eignaheit blir vektlagt ved tilsetting.

Me tilbyr

• Varierte arbeidsoppgåver i eit miljø der me har fokus på eit godt arbeidsmiljø
• Opplæring av kvalifisert personell i teamet du skal arbeide med
• Tett samarbeid med sjukepleiar som støttar tilsette i pasientsaker
• Fagarbeidarløn etter lokal lønstabell med ansiennitet frå 470.800 til 599.300 + tillegg for natt
• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar
  

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Hege Rorgemoen, Avdelingsleiar Rauland heimetenester, +47 48210156

Arbeidsstad

Setali 6 A
3864 Rauland

Nøkkelinformasjon:

Arbeidsgivar: Vinje kommune

Referansenr.: 5005306338
Stillingsprosent: 80%
Vikar
Startdato: 01.11.2025
Sluttdato: 15.09.2026
Søknadsfrist: 09.11.2025