Digiagent - tverrfagleg prosjektstilling

Kvam herad skal i gang med prosjektet "Digiagent". Eit eittårig prosjekt som skal hjelpa tenestene å formidla viktig informasjon på ein meir presis måte og hjelpa innbyggjargrupper til å forstå og sortera i all informasjon som er tilgjengeleg på mange ulike plattformer.

Me leitar etter deg som er interessert i prosjektarbeid, har god oversikt over både kommunale og frivillige organisasjonar i Kvam og har god innsikt i digitale løysingar for informasjonsdeling. Det er også viktig at du har eit klart språk og likar å formidla.

Arbeidsoppgåver

• Informasjonsformidling saman med kommunale tenester og frivillige organisasjonar i Kvam
• Gje veiledning til grupper og enkeltpersonar for å styrka digital kompetanse og gje kunnskap om ulike informasjonskanalar
• Kartlegga mogelege kommunikasjonsplattformer, appar og auka kunnskapen om aktuelle digitale hjelpemiddel 
• Laga og prøva ut kurs med både tenesteleverandørar, frivillige og tenestemottakarar

Kvalifikasjonar

• Relevant 3-årig høgskuleutdanning innan informasjon, helse og sosialfag eller pedagogikk
• Gode formidlingsevner
• Klart språk
• Gode norskkunnskapar - munnleg og skriftleg
• Erfaring frå arbeid med relasjonsbygging
• Gode digitale ferdigheiter
• Førarkort klasse B

Personlege eigenskapar

• Du har evne til å tenkje nytt og inspirere andre
• Du har evne til å byggje relasjonar og skape tillit
• Du er tolmodig og kreativ
• Du kan arbeide sjølvstendig og strukturert
  

Vi tilbyr

• God moglegheit til å påverka din eigen arbeidskvardag
  
• Tverrfagleg arbeidsmiljø med gode kollegaer
• Løn etter gjeldande tariffavtale og lokalt lønssystem
• Gode offentlege pensjons- og forsikringsvilkår

 

Generell informasjon:
Søknadar må sendast via Webcruiter for å verta registrert på utlysingssaka
I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta
Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette

Den kommunale organisasjonen skal i størst mogleg grad spegla mangfaldet i folkesetnaden. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.   

Kontaktinformasjon

Sigrid Karin Dolve, NAV-leiar, +47 906 57 935

Arbeidsstad

Grovagjelet 16
5600 Norheimsund

Nøkkelinformasjon:

Arbeidsgivar: Kvam herad

Referansenr.: 5016759100
Stillingsprosent: 100%
Engasjement
Søknadsfrist: 05.10.2025