Messingpedagog, vikariat

Kort om stillinga:

 25%  stilling som messingpedagog i Alver kulturskule med undervisning lagt til skulekorps som øver måndag og torsdag kveld. Arbeidsoppgåvene vert å samarbeide med tilsett dirigent med undervisning av elevar/musikantar åleine eller i grupper under skulekorpsøvingane og supplpere dirigenten sitt arbeid. Undervisninga vert planlagt i tett dialog med dirigent og/eller styret i laget. Undervisninga er desentralisert.

Vikariat 13.10.25-19.12.25

Han/ho som får tilbod om stillinga vert tilsett i Alver kommune, med tenestestad Alver kulturskule.

Kulturskulen i Alver er ein viktig del av kulturlivet i kommunen og har eit personale med svært høg kunstfagleg og pedagogisk kompetanse. Kulturskulen har i dag om lag 750 elevplassar innan kunstformane musikk, teater, dans og visuell kunst og er ein samarbeidspart for dei ti skulekorpsa i kommunen. Undervisninga er desentralisert.

Ønskt kompetanse 

Relevant kulturfagleg og pedagogisk høgskuleutdanning med messinginstrument i brassbandfamilien som hovudinstrument. Relevant erfaring som messingpedagog. Personlege eigenskapar som engasjement og initiativ, og glede i å undervise born og unge vert vektlagt. 

Me har norsk som undervisningsspråk og er ein nynorskkommune.