Sommarjobb på Ryfylkemuseet

Vil du ha ein sommarjobb der du møter menneske, formidlar historier og jobbar i unike kulturmiljø? Ryfylkemuseet søkjer no sommarvertar til sommarsesongen 2026.

Som sommarvert på Ryfylkemuseet er du ein del av møtet mellom publikum og historia. Du bidreg til å gjera museum og kulturmiljø levande gjennom samtale, nærvær og deltaking, i utstillingar, ute på tunet og i historiske omgjevnader der kvardagsliv, arbeid og forteljingar får ta plass. Arbeidsdagane er varierte, og kan spenna frå guiding og vertskap til levandegjering i kostyme, enkle oppgåver ute og kontakt med både menneske og dyr. Jobben passar for deg som likar å formidla, vera i lag med folk og ta ansvar i eit ope og sosialt miljø.

Kvar kan du jobba?

Som museumsvert kan du få arbeidsdagar ved:

• Nesasjøhuset (Sand) -- museum, utstillingar og butikk

• Kolbeinstveit (Suldal) -- historisk museumsgard med levande formidling

• Industriarbeidarmuseet (Sauda) -- forteljingar frå industri- og kvardagsliv

Arbeidsoppgåver

• Ta imot publikum og vera vertskap på museum og kulturhistoriske anlegg

• Guiding og formidling til ulike målgrupper

• Delta i levandegjering og aktivitetar, til dømes gjennom rollespel eller bruk av kostyme

• Medverka ved arrangement og aktivitetsdagar

• Billettsal og enkel servering

• Lett hagearbeid og stell av uteområde

• Dagleg stell av dyr der dette er aktuelt

• Samarbeid med andre vertar, frivillige og tilsette

• Andre praktiske oppgåver knytte til drift av anlegga

Du treng ikkje vera ekspert på historie -- opplæring blir gitt.

Kven ser me etter?

Me ser etter deg som:

• er imøtekomande, påliteleg og glad i å møta folk

• trivst med ansvar og sjølvstendig arbeid

• er interessert i historie, kultur eller formidling

• kan jobba heile eller delar av sommarsesongen

Førarkort er ein fordel, sidan arbeidet kan vera fordelt på fleire anlegg. Det er moglegheit for overnatting på Kolbeinstveit.

Me tilbyr

• Ein variert og meiningsfull sommarjobb

• Arbeid i unike kulturhistoriske omgjevnader

• Fellesskap med andre vertar

• Erfaring som er relevant for studium og arbeid innan kultur, reiseliv og formidling