Hopp til innhold

Samfunnsutvikling

Arbeidsgiver

Øygarden kommune Plan og analyse

Sted

Øygarden rådhus, Foldnesvegen 1, 5353 Straume

Om jobben

Stillingstittel
Rådgjevar jurist 100 % fast på eining plan
Type ansettelse
Fast, heltid 100%
Antall stillinger
1
Arbeidsspråk
Norsk

Søk på jobben

Søk senest søndag 13. desember

Om avdelinga:

På Eining plan er vi 17 engasjerte medarbeidarar med brei fagleg kompetanse. Vi arbeider med planlegging frå overordna nivå til detaljregulering etter plan- og bygningslova. Eininga har òg ansvar for geodata, GIS og geografiske analysar, og har ei sentral rolle i utviklinga av digitale kartløysingar i kommunen.

Gjennom arbeidet med ny arealdel til kommuneplanen, og arbeidet med planvask tek Øygarden del i, testar og utviklar metodikk for å effektivt kunne behandle store datamengder i tverrfaglege team. Det er ein prosess som pågår, og ei nødvendig satsing for ei berekraftig forvaltning av kommunen sine verdiar og utviklingspotensiale.

Vi arbeider aktivt for å løyse og vidareutvikle kvalitet og berekraft i planlegginga av kommunen. Effektive reguleringsplanprosessar krev oppdatert kunnskap, samtidig som vi vågar å utforske moglegheitene innanfor lovverket. Eininga har i stor grad ei samordnande rolle og jobbar tverrfagleg med andre einingar og avdelingar i kommunen. Som jurist på eininga vil du arbeide tett på og saman med andre rådgjevarar på plan, ha ein rådgjevande funksjon internt og eksternt og inngå i tverrfaglege samhandlingsteam som t.d. KPA og arealforvaltning (byggesak, tilsyn, miljø, landbruk).  

Arbeidsoppgåver:

  • Ansvar for juridiske problemstillingar relatert til plan- og bygningslova, delta i drøftingar og bidra til å finne handlingsrommet innanfor lovverket.
  • Utarbeide juridisk utgreiing og rettleiing i ulike planrelaterte spørsmål.
  • Juridisk kvalitetssikring og drøfting av føresegn knytt til offentlege og private reguleringsplanar
  • Evaluering og utarbeiding av føresegner til ny arealdel til kommuneplanen
  • Evaluering og utarbeiding av prosess for planvask reguleringsplanar
  • Handsaming av klagesaker på plan
  • Fast deltakar i tverrfagleg gruppe plan/arealforvaltning

Kvalifikasjonar: 

Må ha:
  • Master i rettsvitskap
  • Erfaring med plan- og bygningsrett
Ønskjeleg med:
  • Erfaring med oppgåver relatert til arealplanlegging frå offentleg eller privat verksemd
  • Relevante tilleggsutdanningar, t.d. innan  klimatilpassing, naturforvaltning, sentrumsutvikling, prosjektleiing, næringsutvikling
  • God digital kompetanse
  • Gode norskkunnskapar, både munnleg og skriftleg
  • Erfaring med formidling
  • Erfaring med prosjektleiing
Personlege eigenskapar:

Vi ser etter deg som:

  • Er ein god relasjonsbyggjar som evnar å skape tillit og samarbeid
  • Er initiativrik, sjølvstendig og gjennomføringssterk.
  • Evnar å setja seg inn i nye oppgåver og vera løysingsorientert
  • Er serviceorientert og oppteken av å hjelpe brukarar
  • Tek ansvar og bidreg aktivt i fagmiljøet

Vi tilbyr:

  • Gode pensjons- og forsikringsordningar
  • Motiverte og kunnskapsrike kollegaer
  • Interessante utfordringar
  • Høve til fagleg og personleg utvikling

Kontakt:

Einingsleiar plan

Lena Svalastog Garnes

Epost: lena.garnes@oygarden.kommune.no

Telefon: 56 16 01 88

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.


Link til søknadsskjema: Søk her

Kontaktperson for stillingen

Lena Svalastog Garnes

+47 56 16 01 88

Lena.Garnes@oygarden.kommune.no

Om bedriften

Øygarden kommune er den nest største kommunen i Vestland fylke med om lag 40 700 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong, Ågotnes og i Skogsskiftet. Administrasjonsspråket i Øygarden er nynorsk. Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.

Sektor

Offentlig

Del annonsen

Annonsedata

Rapporter annonse
Stillingsnummer

1f624dd2-0f8e-4bd8-801f-7b522e80134a

Sist endret

20. november 2026

Hentet fra

visma-easycruit

Referanse

3680711_198581_nn

Lignende annonser

Laster lignende annonser