Fylkesdirektør

Vil du leie ein organisasjon med 6500 dyktige tilsette i ein av landets mest dynamiske regionar?

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket.
Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Vi er om lag 6500 tilsette, og fylkesadministrasjonen er lokalisert i Bergen, Leikanger og Førde.

Fylkeskommunen er ein aktiv aktør i samfunnsutviklinga i den fremste verdiskapingsregionen i landet, og ein nasjonal pådrivar for eit desentralisert Noreg. Samfunnsoppdraget vårt er: Vi set retning, engasjerer og samhandlar for å utvikle gode tenester og eit framtidsretta Vestland.

No søker vi etter ein strategisk og framtidsretta toppleiar som kan samle, inspirere og setje retning for både organisasjonen og samfunnsutviklinga i fylket.

Arbeidsoppgåver

Som fylkesdirektør blir du øvste administrative leiar og bindeledd mellom politisk og administrativt nivå. Du vil få ei sentral rolle i å vidareutvikle Vestland som ein føregangsfylkeskommune – ein aktiv og tydeleg samfunnsaktør, både regionalt og nasjonalt. I stillinga som fylkesdirektør har du ei viktig rolle i å skape godt samhandlingsklima mellom styringsnivåa. Det er fylkestinget som tilset i stillinga.

Fylkesdirektøren har ansvar for å greie ut aktuelle saker til politisk behandling, setje i verk politiske vedtak. Du skal vere ein trygg, tydeleg og samlande leiar for dei tilsette og bidra til å utvikle organisasjonen. 

Kvalifikasjonar

• relevant høgare utdanning frå universitet/høgskule
• god forståing for leiarrolla i ein kompleks politisk styrt organisasjon og evne til å skape god samhandling mellom administrasjon og politisk nivå.
• toppleiarerfaring frå større organisasjon og erfaring med leiing på strategisk nivå, komplekse prosessar, prosjekt og omstilling
• god forståing for økonomi, verksemdsstyring og digital teknologi
• stor samfunnsinnsikt på tvers av sektorar og heilskapleg tilnærming til utvikling
• gjerne erfaring både frå privat og offentleg sektor
• forståing for beredskap og samfunnsikkerheit
• stor kontaktflate og nettverk inn mot ulike myndigheiter, kommunar, organisasjonar og næringsliv
• fortrinnsvis erfaring frå trepartssamarbeid

Personlege eigenskapar

• trygg, tydeleg og samlande leiar
• synleg, inkluderande og involverande i eigen organisasjon og eksternt
• evne til å skape engasjement og driv, samt finne gode løysinger
• gode kommunikasjons- og relasjonsevner
• stor arbeidskapasitet med sterk evne til å prioritere og delegere
• resultatorientert med evne til å skape resultat gjennom å samarbeide og motivere
• visjonær, utviklingsorientert og endringsvillig
• du identifiserer deg med Vestland fylkeskommune sine verdiar, som er kompetent, open og modig.

Vi tilbyr

• ei av dei mest spennande toppleiarstillingane i norsk offentleg sektor
• høve til å utvikle samfunnet i ein av landets leiande verdiskapingsregionar
• arbeidsplass i Vestlandshuset, med kontorstader i Førde og Leikanger
• eit sterkt fagmiljø og engasjerte medarbeidarar
• konkurransedyktige vilkår og gode offentlege pensjons- og forsikringsordningar

Anna informasjon:
Administrasjonsmålet i fylkeskommunen er nynorsk. Tilsetjing skjer på grunnlag av lov- og avtaleverk i kommunal sektor. Vi gjer merksam på at i følgje offentleg lova §25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort. Kandidatar må kunne sikkerheitsklarerast for «hemmeleg». Reising i regionen og nærvær til tenestene er viktig i stillinga.

Kontaktinformasjon

Liv K. Braathen, partnar, Bønes Virik, 48849499, liv@bonesvirik.no
Hege Solbakken, partnar, Bønes Virik, 91104141, hege@bonesvirik.no

Arbeidsstad

Lars Hilles gate 22
5008 BERGEN

Nøkkelinformasjon:

Arbeidsgivar: Vestland fylkeskommune

Referansenr.: 5014533559
Stillingsprosent: 100%
Fast
Søknadsfrist: 12.10.2025