Læretida i helsefag i Voss herad vert lagt opp med rulleringsløp for å gje best mogleg læring. Alle lærlingar startar med grunnleggjande opplæring på sjukeheim, og går deretter vidare til bustad/dagsenter for menneske med nedsett funksjonsevne. Mot slutten har ein læretid i heimetenesta. Voss herad tilbyr og valgfri praksis på Voss sjukehus (dersom kapasitet) og i avdeling for psykisk helse og rus.

For å sikra at våre lærlingar når læreplanmåla og er klar til fagprøva, er det lagt opp til oppgåveløysing knytt til læreplanmål og praksis. Dette er fordelt på 2 år læretid.

Alle lærlingar får 2 instruktørar som føl dei opp på kvar praksisplass.

Tidsrom

01.09.2025 - 31.08.2027

Ved ordinært læreløp på to år skal du som lærling innom om lag fire ulike avdelingar/områder. I tillegg til praktisk opplæring må du også arbeida med teoretiske oppgåver.

• Lærling som ynskjer å ta fagbrev i helsefag
• Som har bestått teoretisk eksamen i alle aktuelle fag
• Personlege eigenskapar vert vektlagd

Godkjend politiattest må framleggjast før tiltreding i stillinga 

• Godt tverrfagleg og sosialt miljø ved dei ulike avdelingane
• Løn etter kommunalt avtaleverk og elles tilsetjing på vanlege kommunale vilkår
• Gode vilkår for fagleg utvikling og læring gjennom læretida
• Ein trygg og god arbeidsstad med spanande oppgåver
• Ei levande kulturbygd med gode oppvekst- og utdanningsvilkår
• Mektig natur, ski- og fritidsterreng med aktivitetar frå fjord til fjell

Søk på stillinga ved å klikke på knappen oppe til høgre. Hugs å gje opp referansar.

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver vennleg og legg ved vitnemål og attestar som vedlegg til søknaden