Forskar eller rådgjevar - grovfôr

Nøkkelinformasjon

Vi ser etter deg som kan vere med å løyse viktige problemstillingar for vestlandsbonden. Fokuset er forskings- og utviklingsoppgåver innanfor klimatilpassa grovfôrdyrking, men også andre problemstillingar innanfor matproduksjon er aktuelle. Du vil ha tett kontakt med næring og forvaltning for å fange opp forskingsbehov og utvikle, iverksette og følgje opp relevante prosjekt. Formidling av prosjektresultat vil og være ei viktig oppgave. Vektlegginga av forskar-/rådgjevaroppgåvene kan tilpassast kompetanse og interesse, og oppgåver innanfor samarbeidsprosjekt med havbruksnæringa kan og vere aktuelle. 

Stillinga høyrer til Avdeling fôr og husdyr og har NIBIO Fureneset i Fjaler i Vestland som arbeidsstad. Fureneset ligg yst i havgapet tett på natur, og med gode forhold for friluftsliv. Husvære kan leigast på staden, og det er kort veg til barnehage og skule. I kommunesenteret Dale er det vidaregåande skule og gode kulturtilbod. Arbeidsmarknaden i området er variert med stillingar på fleire utdanningsnivå blant anna innan havbruk, teknologi, industri, undervisning og helse.

Hovudoppgåvene til stillinga

• Vidareutvikling av samarbeidet med regionalt næringsliv, regional og kommunal landbruksforvaltning og FoU-miljø
• Utvikling og gjennomføring av forskings- og/eller rådgjevingsprosjekt innan jordbruket på Vestlandet
• Formidling til næring og forvaltning, munnleg og skriftleg, primært i populærvitskapleg format

Kvalifikasjonskrav

• Mastergrad innan jord-, plante- og/eller husdyrfag, eller andre relevante fagområde
  • Relevant realkompetanse i kombinasjon med bachelorgrad kan kompensere for kravet om mastergrad i ei rådgjevarstilling
• God kunnskap om jordbruk under nordiske forhold
• Minimum grunnleggjande kunnskapar i norsk eller anna skandinavisk språk, og engelsk, både munnleg og skriftleg

Det er ein fordel om du har

• God kunnskap om grovfôr- og husdyrproduksjon
• Eit godt kontaktnett innan jordbruksnæring, forvaltning og forsking
• Erfaring med prosjektutvikling og prosjektoppfølging
• Relevant doktorgrad

Personlege eigenskapar

• Ansvarsfull, målretta og initiativrik
• Gode evner til kommunikasjon og samarbeid
• Positiv bidragsytar til eit godt arbeidsmiljø

Vi tilbyr

• Moglegheit til å jobba med eit viktig samfunnsoppdrag med fokus på berekraft og framtidsretta prosjekt
• Utfordrande, spennande og varierte oppgåver i tverrfaglege team
• Ein fleksibel kvardag med moglegheit til å påverka eigne arbeidsoppgåver
• Eit sterkt fagmiljø med gode kollegaer
• Ein raus personalpolitikk med velferdsordningar og fokus på dei tilsettes ulike livsfaser

Stillinga er plassert i det statlege lønsregulativ som forskar kode 1108/1109, eller rådgjevar/seniorrådgjevar kode 1434/1364, kr 565.000 - 735.000 pr. år. 

Løna vert vurdert etter utdanning og erfaring.

Medlemskap i Statens Pensjonskasse, noko som inneber ei god tenestepensjonsordning, yrkesskade- og gruppelivsforsikring, og tilbod om bustadlån til ei gunstig rente.

Les meir om NIBIO som arbeidsgjevar her: Jobb i NIBIO

Korleis søkja på stillinga

CV sendar du elektronisk via lenkje på denne sida, "søk stillinga".

I staden for søknadsbrev, ber vi deg besvare nokre spørsmål.

Vitnemål og attestar skal takast med ved eit eventuelt intervju, eller leggjast ved elektronisk.

NIBIO gjennomfører bakgrunnssjekk på aktuelle kandidatar via samarbeidspartnaren vår Semac AS.

. Video: https://youtu.be/6mZySoUgD2Q

Andre opplysingar

Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, hol i CV, nasjonal eller etnisk bakgrunn.

Som statleg verksemd har vi moglegheit til å gi ein positiv særbehandling for søkjarar som har funksjonsnedsetjing, hol i CV eller innvandrarbakgrunn. Positiv særbehandling inneber mellom anna at du lettare vil komma til intervju.
Les meir om dette her.

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.