Sjukepleiar til Fjaler sjukeheim 100 % fast stilling og vikariat

Fjaler sjukeheim har ledig ei 100 % fast sjukepleiarstilling og søkjer etter fagleg sterke og motiverte medarbeidarar som å ynskjer å gjere ein forskjell for pasientane våre. Vi har og ledige vikariat grunna svangerskapspermisjon.

Sjukeheimen har årsturnus over 52 veker, med tredelt turnus og arbeid kvar 3. helg. Det er også mogleg med langvakter og arbeid kvar 4. helg – denne ordninga er per no frivillig.

I februar 2024 starta sjukeheimen opp med eit spennande utviklingsarbeid knytt til oppgåvedeling (TØRN-prosjektet). Målet er at tilsette skal få nye oppgåver og meir ansvar, og at sjukepleiarar på sikt får arbeide meir systematisk med sjukepleiarfagleg kompetanse. Samstundes ser vi på framtidige løysingar for teamarbeid i kommunen.

Vårt mål er å yte gode tenester.  Vi har varierte og spanande arbeidsoppgåver, både for nyutdanna og for deg med lang erfaring. Vi søkjer deg som har interesse for eldreomsorg, er engasjert i fagutvikling og forbetringsarbeid, og som ønskjer å bidra til at bebuarane våre har eit godt liv på sjukeheimen.

Arbeidsoppgåver

• Delta i det daglege arbeidet og bidra til at oppgåver blir utførte på ein smidig og god måte
• Sjukepleiefaglege vurderingar og dokumentasjon
• Sikre fagleg forsvarlege tenester til den einskilde brukar
• Medverke aktivt til eit godt arbeidsmiljø i eiga avdeling og godt samarbeid med andre einingar
• Rettleiing og fagleg støtte til kollegaer og studentar
• Arbeide kunnskapsbasert
• Bidra til fagleg utvikling og forbetringsarbeid
• Tverrfagleg samarbeid
• Vere ein god rollemodell
  
  

Kvalifikasjonar

• Autorisasjon som sjukepleiar
• Sjukepleiarstudentar som er ferdige januar 2027 kan også søkje stillinga
• Politiattest samt godkjend MRSA- og tuberkulinattest må leggjast fram før tiltreding
• God munnleg og skriftleg framstillingsevne i norsk
• Førarkort klasse B
  
  

Personlege eigenskapar

• Engasjement for eldreomsorg
• Fleksibel og med gode samarbeidsevner
• Evne til å arbeide sjølvstendig 
• Ansvarsbevisst og løysningsorientert
• God kommunikasjonsevne
• Positiv og med godt humør
• Fagleg engasjert

Personlege eigenskapar vil bli vektlagde.

Vi tilbyr

• Introduksjonsprogram med fadderordning
• Løn etter utdanning og erfaring
• Kr 35 000 i fast tillegg (alltid på topp)
• Støtte og tilrettelegging for vidareutdanning
• Gode pensjons- og forsikringsordningar
• Eit godt arbeidsmiljø med trivelege kollegaer
  
  

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.