Miljøarbeidar

Hyllestad kommune har ledig stilling som miljøarbeidar/brukarstyrt personleg assistent (BPA) knytt til oppfølging av ein brukar i miljøtenesta.

Vi søkjer etter ein trygg, omsorgsfull og engasjert medarbeidar som ønskjer å bidra til meistring, tryggleik og livskvalitet i kvardagen. Du må trivast med å arbeide tett med menneske, vere god på relasjonsbygging og ha evne til å møte den enkelte med respekt, tolmod og forståing.

For at stillinga skal vere i 100 % vil det knyte seg arbeid elles i omsorgstenesta 3. kvar helg.

Arbeidsoppgåver

• Miljøarbeid og individuell oppfølging av brukar.
• Bidra til struktur, føreseielegheit og gode rutinar i kvardagen.
• Støtte og rettleiing i daglege aktivitetar og gjeremål.
• Arbeide målretta med meistring, sjølvstende og livskvalitet.
• Skape tryggleik gjennom gode relasjonar og stabil oppfølging.
• Observere, dokumentere og rapportere i samsvar med gjeldande rutinar.
• Samarbeide med pårørande og andre aktuelle fagpersonar.

Arbeidsoppgåvene vil bli tilpassa brukaren sine behov og føresetnader.

Kvalifikasjonar og ønskte eigenskapar

Vi ønskjer oss ein medarbeidar som har:

• Utdanning innan helse- sosial- eller pedagogiske fag (t.d. vernepleie, sjukepleie, sosionom, barnevernspedagogikk, pedagogikk, spesialpedagogikk), eller anna relevent utdanning.
• Vidareutdanning eller kompetanse innan psykisk helse eller miljøterapeutisk arbeid er ein fordel.
• Erfaring frå miljøarbeid, miljøterapi, psykisk helsearbeid eller arbeid med menneske som har behov for tilrettelegging og tett oppfølging.
• Evne til å bygge trygge og tillitsfulle relasjonar.
• Gode kommunikasjons- og samarbeidsevner, og trivst med å arbeide i tverrfaglege team. 
• Evne til å arbeide sjølvstendig, strukturert og målretta.
• Ei positiv, fleksibel og løysingsorientert innstilling.

Vi legg vekt på å setje saman eit tverrfagleg personalmiljø, og oppmodar difor søkjarar med ulik fagbakgrunn og er faring til å søkje.
Relevant erfaring, personlege eigenskapar og motivasjon kan vege opp for manglande formell utdanning.

Personlege eigenskapar

Vi legg stor vekt på personlege eigenskapar og ser etter deg som:

• Er trygg, tolmodig og omsorgsfull.
• Har gode evner til å skape tillit og tryggleik.
• Er fleksibel og tilpassingsdyktig.
• Har respekt for den enkelte sin integritet, sjølvbestemming og behov.
• Er ansvarsbevisst og bidreg positivt til arbeidsmiljøet.

Vi tilbyr

• Ein meiningsfull og variert arbeidskvardag.
• Moglegheit til å bidra til utvikling og gode tenester for brukar.
• Eit godt fagleg og sosialt arbeidsmiljø.
• Løn og arbeidsvilkår etter gjeldande tariffavtale.
• Gode pensjons- og forsikringsordningar.

Andre opplysningar

Det er krav om godkjent politiattest før tiltreding i stillinga.

Tilsetting skjer på dei vilkåra som går fram av gjeldande lover, regelverk og tariffavtalar.

Vil du bli med på laget vårt?

Dersom du ønskjer ein jobb der du kan gjere ein forskjell i kvardagen til eit anna menneske, håpar vi du søkjer!

Kontakt

Fleire opplysningar om stillinga kan du få av einingsleiar Linn Christin Fløholm, telefon 478 71 866.

Relevante lenkjer/info

• Hyllestad kommune som framtidig arbeidsgjevar
• Hyllestad.info
• Sjå film om den fine kommunen vår!