Overlege/spesialist i psykiatri ved Kronstad DPS, allmennpoliklinikk

Bli ein del av det engasjerte teamet vårt – vi søker spesialist i psykiatri/overlege til den allmennpsykiatriske delen av verksemda ved Kronstad DPS.

Kronstad DPS er eit stort og veldrevet DPS sentralt plassert på Danmarksplass. Vi har eit godt legemiljø med faste legemøte kvar veke. Den allmennpsykiatriske verksemda ved Kronstad DPS er delt inn i ulike seksjonar, med behandling anten på døgnpost eller poliklinisk – i gruppe og individuelt. Den polikliniske verksemda går føre seg hovudsakleg ved to store allmennpoliklinikkar, ved gruppeeininga og i akutteamet vårt (seksjon for akutte tenester). I tillegg har vi fleire spennande prosjekt, som FACT allmennteam og ulike spesialiserte team innanfor allmennpoliklinikkane – mellom anna team for spiseproblem og affektivt team. Vi jobbar også med å etablere eit tilbod om ketaminbehandling til pasientar som ikkje har hatt nytte av anna behandling for depresjon.

Vi har behov for overlege i fleire av desse tilboda, og lyser no ut ei stilling der vi inviterer interesserte til å gå i dialog med oss for å forme ei rolle som passar både søkar sine interesser og våre behov. Det kan vere ei stilling knytt til ein bestemt seksjon (til dømes allmennpoliklinikk), eller ei kombinasjonsstilling der fleire delar inngår.

Vi har valt å gå for ei litt open og fleksibel utlysing, og håpar du vil gi oss anledning til å fortelje meir om kva vi driv med ved Kronstad DPS! Alt etter kva du er mest interessert i, kan ulike leiarar og fagfolk bli med i dialogen.

Om du ikkje er heilt klar for å søke på bakgrunn av denne teksten, men kjenner på ein viss interesse, håpar vi du tar kontakt. Vi tilbyr gjerne ein uforpliktande samtale der du kan få vite meir.

Arbeidsoppgåver

• Arbeid i seksjon og team etter nærare avtale
• Utgreiing, diagnostisering og behandling av pasientar som har rett til prioritert helsehjelp
• Mogleg deltaking i spissa fagteam, prosjekt eller fagtilbud vil avklarast i dialog med den enkelte søkar
• Rettleiing av LIS-legar
  

Kvalifikasjonar

• Norsk autorisasjon som lege
• Godkjend spesialist i vaksenpsykiatri eller snart godkjend spesialist
• Erfaring frå poliklinikk og allmennpsykiatrisk verksemd er ein klar fordel
• Erfaring med tverrfagleg samarbeid
• Søkar må meistre norsk, både munnleg og skriftleg

Personlege eigenskapar

• Må ha gode samarbeidsevner og kunne bidra til eit godt arbeidsmiljø
• Ha evne til å jobbe sjølvstendig og i team
• Vere fleksibel og personleg eigna for stillinga

Vi tilbyr

• Eit positivt og inkluderande arbeidsmiljø: Vi er stolte av det vennlege og støttande teamet vårt, der alle bidrar til eit miljø prega av entusiasme og respekt
• Fagleg utvikling: Vi søker å legge til rette for fagleg utvikling og kompetanseheving. Vi arrangerer jamnleg eigne fagdagar. Vi har internundervisning innan relevante og aktuelle tema
• Innovasjon i behandling: Vi er opptatt av å vere i front når det gjeld å utforske og implementere nye behandlingsmetodar, og oppmuntrar medarbeidarane våre til å bidra med idear og kunnskap
• Tverrfagleg samarbeid: Vi trur på styrken av teamarbeid og tilbyr ei tverrfagleg tilnærming der psykiatrar, psykologar, sjukepleiarar, og andre fagpersonar arbeider side om side for å sikre den beste behandlinga for pasientane våre
• Ved Kronstad DPS har vi eige nevroteam, spiseteam, FACT allmennteam, og vi søker å bygge opp eit forløp for affektive pasientar
• Det er søkt om midlar til eit behandlingsprosjekt med ketamin for deprimerte pasientar som ikkje har hatt nytte av annan behandling. Søknaden er innvilga, og prosjektet er no i ein oppstartsfase
• Gjennom prosjektet "Ny Poliklinisk Hverdag" har vi sett igang ein prosess for å sikre ein betre og tydelegare struktur i kvardagen for den einskilde medarbeidar, samtidig som det skal legge til rette for godt samarbeid mellom spesialistar og ikkje-spesialistar. Dette prosjektet legg og vekt på konkret undervisning i utvalde emne som vi har erfart er av stor betydning, spesielt for nye medarbeidarar. Det vil og innebere hospitering ved avdelingar internt og eksternt som vi har erfart det er viktig å ha kunnskap om og gode relasjonar med
• Lønn og oppstart etter avtale

Slik søker du:
Er du den engasjerte og fagleg dedikerte psykiatrispesialisten vi ser etter? Send oss søknaden din og CV via Webcruiter. Vi ser fram til å høyre frå deg og kanskje ønske deg velkommen til teamet vårt!

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Hallgeir Haaland, Overlege, 90089047, hallgeir.haaland@helse-bergen.no
Per Birkhaug, Konst. seksjonsleiar, 92411715

Arbeidsstad

Fjøsangerveien 36
5053 Bergen

Nøkkelinformasjon:

Arbeidsgivar: Helse Bergen HF

Referansenr.: 5037815665
Stillingsprosent: 100%
Fast
Søknadsfrist: 30.11.2025