Miljøterapeut

Om arbeidsstaden

Helse og velferd er ei eining med om lag 200 tilsette og blir leia av kommunalsjef. I denne eininga inngår pleie - og omsorgstenester, tildelingskontor, legetenesta, jordmortenesta, ergoterapi- og fysioterapitenesta, miljøarbeidertenesta, NAV, psykisk helse og rus, kreftomsorg og frivillig arbeid. Helse og velferd har som mål å fagleg legge til rette med tenester tilpassa den enkelte sitt behov, slik at kvar og ein skal ha eit trygt, meiningsfylt og innhaldsrikt liv.

Miljøarbeidartenesta gir praktisk hjelp, opplæring og heimesjukepleie til personar med nedsett funksjonsevne.
Tenesta har i dag fleire område:

• bufellesskap med bemanning heile døgnet
• avlastningsbustad for barn og unge
• omsorgsbustader for vaksne knytt til avlastningsbustaden
• ambulerande tenester til personar med nedsett funksjonsevne

Om stillinga

Miljøarbeidartenesta i Austevoll kommune har ledig 100 % stilling for deg med relevant høgskuleutdanning. 

Vi tilbyr årsturnus der det per i dag er avsatt fagadministrativ tid og moglegheit for å påverke eiga arbeidstid. Arbeidsplassen er for tida Lindevika buteneste med samlokaliserte bustader med heildøgsnbemanning og ambulerande tenester til personer med nedsatt funksjonsevne. 

Ansvars- og arbeidsoppgåver

• Planlegge og gjennomføre tiltak og aktivitetar som er tilpassa behova til kvar enkelt brukar.
• Utføre målretta miljøarbeid og gje burettleiing.
• Legemiddeladministrering dersom du har helsefagleg kompetanse.
• Sikre at brukarane får fagleg forsvarlege tenester i tråd med vedtak.
• Lage og oppdatere tiltaksplanar og dokumentasjon i fagsystemet.
• Koordinere tenester for brukarane og samarbeide godt med brukarar, pårørande, spesialisthelsetenesta og andre samarbeidspartnarar.
• Gje rettleiing til pårørande, kollegaer, studentar, elevar og lærlingar.
• Bidra til å vidareutvikle tenestene våre.
• Vere med på å skape eit ope og positivt arbeidsmiljø, og møte kvardagen med stå-på-vilje og godt humør.

Kvalifikasjonskrav

• Bachelor i helse og sosialfag.
• Søkarar med relevant helsefagleg, sosialfagleg eller pedagogisk utdanning, eller som er under utdanning til vernepleiar, kan òg bli vurderte.
• Erfaring frå arbeid innan habilitering er ønskjeleg.
• Du må ha god digital kompetanse.
• Du må ha førarkort klasse B.
• Du må kunne snakke og skrive godt norsk.

Personlege eigenskapar

• Du er trygg, omsorgsfull og viser respekt for brukarane.
• Du har gode samarbeidsevner og bygg tillit i møte med andre.
• Du er tålmodig, fleksibel og handterer endringar på ein roleg måte.
• Du er engasjert, fagleg interessert og tek ansvar for oppgåvene dine.
• Du bidreg til eit positivt og inkluderande arbeidsmiljø.

 

Vi tilbyr

• Moglegheit for fagleg utvikling i eit godt og positivt fagmiljø
• Spanande utfordringar
• Løn etter kvalifikasjonar
• Gode pensjons- og forsikringsordningar

Slik søker du på stillinga

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.