LIS3 Ortopedi

Om stillinga:
Voss Sjukehus, Helse Bergen, Haukeland universitetssjukehus har ledig fast stilling for LIS3 innan ortopedisk kirurgi frå 15.11.25. Vi tilbyr spesialistutdanning som dekkjer heile utdanningsløpet i ortopedi. Etter fullført spesialisering vil stillinga bli omgjort til stilling som legespesialist.

Om avdelinga:
Det er per i dag tre LIS3 stillingar ved ortopedisk avdeling. Vaktordninga er for tida 8-delt, med felles vakt ortopedi og kirurgi. Det er døgnvakt, med fri dagen etter vakt. Det er seks spesialistar i ortopedisk kirurgi ved sjukehuset. 

Voss sjukehus behandlar både elektiv ortopedi og ortopedisk traumatologi. Elektiv kirurgi omfattar mellom anna artroskopi i skulder/kne/ankel, skulderkirurgi, fot- og ankelkirurgi og protesekirurgi i hofte og kne. Ortopedisk traumatologi omfattar dei fleste tilstandar/skader innan ortopedi. 

Om Voss sjukehus:
Voss sjukehus har full akuttberedskap innan ortopedi, kirurgi, medisin, føde, gynekologi og anestesi. Sjukehuset har hatt stor aktivitetsvekst og ynskjer å fortsetje den positive utviklinga. Opptaksområdet er på om lag 30.000 innbyggarar, fordelt på 6 kommunar. I tillegg kjem det pasientar frå Bergen og kommunar i Indre Sogn.

Voss sjukehus er ein del av Helse Bergen HF og har tett fagleg samarbeid med avdelingane ved Haukeland universitetssjukehus. Sjukehuset er under stadig utvikling og har fine lokalitetar. Det er fire godt utstyrte operasjonsstover og sjukehuset har gode støttetenester innanfor anestesi, intensiv/rec., radiologi med CT- og MR lab., fysioterapiavdeling og laboratorium med blodbank.

Om Voss:
Voss har flott natur som gjev særs gode høve til naturopplevingar, og gode tilbod for born og vaksne innan ei mengde ulike idrettar og aktivitetar. Kulturlivet er rikt og variert med fleire faste arrangement gjennom året, og det er eit godt utbygd skuletilbod med to nye vidaregåande skular. Det er elles god kommunikasjon vestover til Bergen/ Flesland og austover til Oslo.

Arbeidsoppgåver

• Operere og assistere på operasjon
• Poliklinikk 
• Visittgang og postarbeid
  
• Rettleiing og undervising av LIS1
• Internundervising
• Forholda vil bli lagt til rette for deltaking i undervising, kurs og anna etterutdanning
  

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetjing i LIS3 stilling innan ortopedisk kirurgi
• Det vil bli lagt vekt på relevant yrkeserfaring og klinisk erfaring
• Den som blir tilsett må meistre norsk språk, både skriftleg og munnleg
• God skriftleg dokumentasjonsevne       

Personlege eigenskapar

• Du har interesse og motivasjon for fagfeltet
• Du kommuniserer tydeleg og forståeleg med pasientar og andre samarbeidspartnarar
• God fagleg vurderingsevne, og arbeider strukturert og målretta
• Engasjert
• Må trivast i eit aktivt og travelt miljø

Vi tilbyr

• Den som blir tilsett som LIS3 ortopedi vil få ein personleg rettleiar og deltar i det regulære utdanningsprogrammet i avdelinga
• Løn i samsvar med gjeldande overeinskomst mellom Helse Bergen og DNLF
• Gode pensjons- og forsikringsordningar
• Høgt fagleg nivå
• Fagleg og personleg utvikling
• Triveleg arbeidsmiljø
• Voss sjukehus vil kunne hjelpe til med passande bustad
  

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Sjur Børsheim, Seksjonsoverlege, sjur.borsheim@helse-bergen.no

Arbeidsstad

Sjukehusvegen
5700 Voss

Nøkkelinformasjon:

Arbeidsgivar: Helse Bergen HF

Referansenr.: 5018028716
Stillingsprosent: 100%
Fast
Søknadsfrist: 31.10.2025