Rådgjevar - vatn og avløp forvaltning

Bli med å skapa trygge og berekraftige løysingar for framtida!

Tenesteområdet Eigedomsforvaltning søkjer ein engasjert og kompetent VA-person til å vere med å utvikle fagmiljøet vårt. Som rådgjevar innan vatn- og avløpsfaget får du ei sentral rolle i planlegging og gjennomføring av vedlikehald, og i å sikre at private tilkoplingar til kommunens anlegg oppfyller gjeldande krav. Du vil samarbeide tett mot VA-drift og prosjektavdelinga for å sikre heilskaplege og berekraftige løysingar. Stillinga rapporterer til einingsleiar for veg, vatn og avlaup forvaltning. 

Foran oss ligg mange spennande oppgåver for å sikra at alle innbyggjarane våre har eit trygt og godt drikkevatn, og samtidig å sikra gode,
miljøvennlege løysingar for avløp

Om oss

• Eining for veg og VA forvaltning er ei av fire einingar under tenesteområde Eigedomsforvaltning. Føremålet med eininga er å sikre planlegging, vedlikehald og utvikling av kommunal infrastruktur, slik at innbyggjarane har trygt drikkevatn, avløp blir handtert utan forureining, og vegnettet er trygt å ferdast på. Eininga består i dag av 8 rådgjevarstillingar, ein fagleiar VA og einingsleiar.
   
• Alver er ein kommune med flott natur, gode lokalsamfunn og sterk utvikling. Her kan du bu både landleg og urbant – og kanskje vil denne stillinga gje deg kortare veg til jobben, utan lange bilkøar.

Arbeidsoppgåver

Arbeidsoppgåvene vil variere etter erfaring og kompetanse hjå søkjar. Eininga har eit breitt spekter av oppgåver, som mellom anna krev god dialog med innbyggjarar, næringsliv og private utbyggjarar. Vi følgjer leidningsnettet heilt frå planleggingsfasen hjå utbyggjarar, til det blir overteke til kommunal drift og vedlikehald. 

Relevante oppgåver vil vera:

• Utarbeide planar for vedlikehald og investeringar i leidningsnett
• Følgje opp entreprenørar ute på byggeplass
• Offentlege anskaffingar og følgje opp rammeavtalar innan VA-faget
• Godkjenne og følgje opp VA-tekniske planar
• Vedlikehalde og oppdatere kart og FDV-system for VA-nettet i kommunen
• Generell sakshandsaming innan VA-faget
  • Røyrleggjarmeldingar
  • Rettleiing for innbyggjarar
• Andre arbeidsoppgåver som fell natruleg inn under avdelinga og tenesteområdet

Kvalifikasjonskrav 

Vi søkjer deg som har erfaring innan VA, gjerne frå offentleg sektor. Det er eit krav at du:

• Har 3-årig relevant ingeniørutdanning eller teknisk fagskule m/relevant fagbrev. 
  • Relevant erfaring kan kompensere for utdanning.
• Har god munnleg og skriftleg framstillingsevne på norsk

Vi ynskjer deg som

• Har kjennskap til gjeldande lovar og forskrifter
• Er motivert, målretta, sjølvstendig, og har god gjennomføringsevne
• Trivst med samarbeid, og vil vere ein god lagspelar for kollegaer
• Er trygg i deg sjølv, og handterar å jobbe i eit lite fagmiljø. 
• Er fleksibel og løysingsorientert. 
• Er interessert i IKT og digitale løysingar
• Har førarkort klasse B

Kva kan me tilby deg?

• Varierte og utfordrande arbeidsoppgåver som gjer ein forskjell for lokalsamfunnet
• Eit tverrfagleg og godt arbeidsmiljø med høg kompetanse, og fokus på trivsel, samarbeid og kompetansedeling
• Moglegheit for heimekontor etter gjeldande retningslinjer
• Gode pensjons- og forsikringsordningar gjennom KLP
• Fleksitidsordning
• Lønn etter avtale